النيره

(( سراب الأماني ))

يا حالِمة ليل السهر ويش تاليه؟
ماذا تركنا في قنيب الذيابـة ؟!

هاتي انفعالات القصيد وقوافيـه
فكّي يدينه من سلاسل غيابـه

صبّت مرازيم الشعر من محانيـه
صدر الغريب اللي ضلوعه ركابه

يرقى نزوله في قـرارة خوافيـه
وينحر يقينه كل مـادق بابـه

تمتد له صحرى الأماني وتدعيـه
يشحذ رواها من بريق السّرابـة

ماهو جهل فيها ولا هو بخافيـه
لَكن واديّـه نحـى وانتحابـه

لوّ أن ما يعرف من الحق يحكيه
يعود من غـده لطينـة ترابـه

يا حالِمة لو مالمسنـا المشاريـه
شلون تقرانا عيـون الغلابـة؟

يا ما ورى المشّة كثيـرً نداريـه
مثل اليتيم اللـي تخنقـه ثيابـه

هذا الشعر لا ثار ناقف نهديـه
جرأتـه تفتـح علينـا طلابـة

لوّ إننا نشكي على مـا نعانيـه
ماكان صبّينا الشعر في الصّبابـة

منبع عذاري ما روت به ظواميه
ومافيه طينٍ نايـدٍ مـا روابـه

خلّي الغريب يعيش موطن منافيه
ويقرأ على نفسه نوادر كتابـه

بستان ماقـدّر تفانـي سوانيـه
وشعاد لوّ إنه ... قراح شرابـه

لـ \ محمد السالم
16 \ 5 \ 2009م