السلام عليكم ورحمة الله وبركاته



ابيات للتواصل وفي نفس الوقت تحت مسئولية عفاس بن حرباش





[poem="font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

في يمينك شمس ويسارك قمر=اختر اللي من يديك يناسبك

ما انت موت وبس لا موتٍ حمّر=الحلا ما تقاس به ينقاس بك !

قشط قلبي منك يا قشطة تمر=صايمٍ وافطر على الهوجاس بك

كل يوم وكل ليله به تمر=ينتعش مع نشوة الاحساس بك

حبك الكبريت وضلوعي سمر=وان شويت القلب من بيحاسبك

جعل ماله يا بعد عمري عمر=من يحاول يفرّح الانجاس بك

أنت توك في ربيعك مستمر=قل لصدرك حضها الانفاس بك

يوم تطلع للفناء امن الممر=مجدلك يلعب على المياس بك

شقو عيني يا المذاويب السمر=والقميص اللي حريره كاسبك

وأنت تركض تطفي الشمس الجمر=وانت واقف تولع الاوناس بك

سكرتك سكره . مهي سكرة خمر=سكرتك من سكرة النعّاس بك

مع عيونك طبت ياليل السمر=شف عيونك تشغل الجلاس بك

ما على عينك ولا رمشك امر=سلهمه وحده تموت الناس بك

قلت ابقطف لي من عيونك ثمر=قلت لي وش كثر حد الياس بك

ما دريت ان الخفوق المنسمر=سامره حبك على الوسواس بك

من هنا شلال شعرك منهمر=ومن هنا وش قال ابو نواس بك

لبتين وحمرتين ادهى وامر=ولو يذوب الماس ذاب الماس بك

أنت شمس الليل الاظلم والقمر=غيرها مافيه وصف يناسبك !![/poem]









وسلامتكـ/م