المشاركة الأصلية كتبت بواسطة
كاتب الرسالة الأصلية شيخ المعاني
الامر الثالث
ياليتنا ماتأخذنا العاطفه والمجامله ونحرص عليها اكثر من حرصنا على الحقايق
واذا ماجاملت الشعراء ومدحت قصائدهم مايمكن احد منهم اذا نزلت قصيده يرد عليك
وانا ماودي ازعل احد والا استشهد ببعض الابيات والنصوص
اللي في الحقيقه خساره ان الواحد يضيع وقته في قراءتها فضلا عن الرد عليها.
هذا مجرد رأي .......... والاختلاف في الرأي لايفسد للود قضيه
ولكم خالص الود والاحترام
اخي شيخ المعاني
اولا الزعل الله لايجيبه
وثانياً الكمال لله ..
وثالثاً المرقاب مقارنه باي منتدى على الانترنت من حيث جزالة الشعراء وجودة النصوص اعتبره في راس القائمه من دون منافسه .. او بالاصح في المركز الاول وبجداره .. اما الثاني والثالث ... و و و و و الى مابعد العاشر اعتقد ان مافيه منتدى مؤهل يحتل اي من المراكز العشره التي تاتي بعد المرقاب وحنا شعار واعتقد خبرتنا في المنتديات واطلاعنا عليها يجعلنا نقول مثل هالكلام .. او انا بالتحديد حتى ابتعد عن اسلوب التعميم
في الصفحتين الاولى والثانيه اتحداك تطلع لي اكثر من ثلاث قصائد مستواها متوسط .. بعكس اي منتدى اخر باستطاعتك ان تخرج عشر قصائد
ومن ناحية انك تقول اذا ماجاملت الشعار ومدحت قصائدهم مايمكن احد منهم اذا نزلت قصيده يرد عليك... يا اخي اذا هذي نظرتك او نظرة البعض .. تأكد اننا هنا في المرقاب نرد على قصائد رائعه وعمرنا ماشفنا اسماء شعرائها على متصفحاتنا.. واتكلم هنا عن نفسي .. وابا امون على خالد الذيابي واقول هو نفس الشي وغيرنا واجد
ولو ان الوضع هنا مثل ماقلت ماكان شفت مواضيع عليها تعليقات سوى في الشعبي .. والباقي سوف تكون الردود صفر .. ياخي انظر للمحاورات بعضها وصلت الردود عليها مايقارب المئه .. وشعارها بعضهم تركيزه بالمحاورات يعني ماردينا عليه ونحن ننتظر رده على قصائدنا
قد اكون متعصب للمرقاب ولا انكر هالشي .. لكن صدقني ان المرقاب ليس بهذا المستوى اللي يحتم تنزيل موضوع كهذا
لكن لا الومك لانك ماتعرف الا المرقاب وهالشي استنتجه من يوزرك اللي اول مره اشوفه بالمنتديات
واخيراً تقوول (وانا ماودي ازعل احد والا استشهد ببعض الابيات والنصوص) 
ياخووي انت تناقض نفسك والا وش القصه؟؟
انت هالحين ماتطالب بان العضو لايجامل ؟؟ انت ماقلت في موضوعك الاساسي (ولماذا لانكون جرييين في المصارحه والتعبير بكل حريه)