[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خلاص يا الحاسـب الآلـي=لا عاد تسرق نظـر عينـي
لا تنهـب اللـي تبقّـالـي=وش صالحك يـوم تعمينـي
ما جيتـك إلاّ علـى فالـي=خلّ النقاء .. بينـك وبينـي
لا تجحـد المـرّ والحالـي=قضيت معك أجمـل سنينـي
أرجوك يا الطيّـب الغالـي=أحفـظ مقـام العزيزيـنـي
يدفعنـي الشّعـر وألالــي=ويمنعنـي الـوازع الدينـي
أخـاف والمـوت يبرالـي=من وحشة الطوب والطينـي
ذنوبـي عـراض وطوالـي=لكـن عسـى الله ينجّينـي
أسرح بمنكـوس وهلالـي=وأضوي بمسحوب وهجيني !
وأعـدّي المرقـب العالـي=وعن ساحة الشعر يغنينـي
أحـد ٍ بقلبـه توحّـا لـي=وأحـد ٍ بأذانيـه يوحيـنـي
عزلت الأوّل عـن التالـي=وقامـت تقـرّ الموازينـي
أضحك ليـا شفـت عذالـي=تلبـس ثيـاب المحبيّنـي !
وأبكي على بعض الأحوالـي=والواقـع المـرّ مشقينـي
ماني على شاشتـك سالـي=لكـنّ حــاول تسلّيـنـي
وأن قلت لي مالك ومالـي=أقول سارق نظـر عينـي ! [/poem]
دكتورنا .. الله لا يضرّكـ .. !!
|