[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارحه مرّت علي ليله ولا كل الليال = جلست احسّب فالسنين اللي مضت وآعدها
وش خذت منها وش عطيت ووش جنيت من الخيال؟ = إلا طعونٍ بالضمير تحدني وآحدها
أخلصت في وقتٍ به الاخلاص قمة لـ ِ..نحلال = وفيت في وقتٍ به الوافين يكثر ندها
صدقت في وقتٍ به الكذّاب يضرب به مثال = عطيت في وقتٍ به الاحرار يِجحد مدها
من اقرب الدنيا لآخر من له بقلبي جبال ! = جبال حبٍ من غلا قلبه عجزت آهدها
ماخذت غير الجرح والطعنه وشرهات الرمال = يومٍ أسوق الرجل في رمضا الغلا وآمدها
ما شفت غير الهم والغربه ودربٍ بيّ طال = ما بين صمت وبين ضيق ودمعةٍ آردها
ماوحيت غير الحلم لامنّه تباعد واستحال = شفت الاماني بعّدت وازريت لاكسب ودها
عنّتني الايام يوم الحظ عاندني ومال = غرقت فبحور الفراق وشاق عيني مدها
الله من كيد الليالي كل ماشفت الظلال = تطري عليْ روحٍ من الفرقا تبايح سدها
يا قلب لا تشره على اللي فات والدنيا زوال = خل العتب لاهنت وابواب الاماني سِدها
[/poem]