.
.
أبتدت معـك العلاقـه .. وأنتهـت معـك العلاقـه
والعلاقـه مبتـداهـا مــا يشـابـه منتهـاهـا
البدايـه جـات منـك وجيـت بأسلـوب ولبـاقـه
والنهايـة جـات منـي عقـب مـا بيّـن خفاهـا
كم نصحتك وانت عن درب السنـع فيـك اصطفاقـه
مـا دريـت أن النشامـى طيبهـا يسبـق رداهـا
كان ما عنـدك مراجـل تحفـظ شـروط الصداقـه
رح وصادق مـن تكـدّ الـراس وتخضّـب يداهـا
دايم الأحمق ما يـدري وش يقـول مـن الحماقـه
كلمـة ٍ تنقـز وراه وكلـمـة ٍ ينـقـز وراهــا
جل من سـواك ثـم خـلاك بيـن النـاس عاقـه
يوم أميزّ في وصوفك قلـت مـا شـاء الله علاهـا
عين شاه .. وخشم ذيب .. وحلق داب .. وراس ناقه
وظهر فيل .. وبطن عقرب .. ذيلها يلـدغ قفاهـا !
ضف وجهك لا تحسب انـه مـن وجيـه الرفاقـه
مستـواك مـع الرفاقـه مـا يناسـب مستواهـا
لو تطـوّل لحيتـك ترجـع علـى مـوس الحلاقـه
كم شوارب قال فيها المـوس واستلحـق لحاهـا !
ميـر فـارق مثلـك وشـرواك غايتنـا فـراقـه
لا تكحّل لي عيونك .. كحـل عينـك مـن عماهـا
.
.
لدكتورنا المبدع \ سداح
|