[poem=font="Simplified Arabic,5,black,bold,normal" bkcolor="transparent" bkimage="backgrounds/2.gif" border="solid,4,black" type=1 line=0 align=center use=ex num="0,black""]
وجهة نظر من شاعرٍ من هل الخرج=وكلٍ على ماقيل يعرف خراجه
الشعر نبني به مع المعرفه برج=والله يثبتنا نهار المواجه
وأنا ما أحب معاملة ناقل الهرج=اللي على الوجهين فيه أزدواجه
راعي ذلولٍ بالقفا تنفض الخرج=اليا خذتبه فرةٍ وأدراجه
اللي يخم الهرج ويعبي الدرج=وان سمع له هرجةٍ تضحك حجاجه
يامدرجين الهمل الظلع العرج=ماتكسبون الا الردى والسماجه
المجتمع من شغلكم موقفه حرج=ماتشعرون بقبحكم وانحراجه
من ضربكم سرد الاصايل غدت مرج=والقاع منكم مستشيطٍ عجاجه
صرتوا علينا مثل نفاخة السرج=وفي ليلكم ماللصباح أنبلاجه
الزرج مثل الملط والملط كالزرج=ومن الهبال تقرنسون الدجاجه
واللي يقدركم كمن يربط السرج=فوق الحصان اللي تديره نعاجه
ياللي تجيب الهرج وتودي الهرج=مالك ورى عوج المخاليق حاجه
[/poem]