الموضوع: الى متى المجامله ؟؟؟
عرض مشاركة واحدة
قديم 27-06-2003, 06:56 PM   #18
عكاشه
(*( عضو )*)

الصورة الرمزية عكاشه
عكاشه غير متصل

بيانات اضافيه [ + ]
 رقم العضوية : 98
 تاريخ التسجيل :  May 2002
 أخر زيارة : 15-01-2012 (10:21 AM)
 المشاركات : 6,015 [ + ]
 زيارات الملف الشخصي : 12946
لوني المفضل : sienna


السلام عليكم



استلم يا شيخ المعاني حسب طلبك وليت الاخوان اذا يشوفون اني غلطان في ملاحظاتي ينبهوني والله يجزاهم خير مسوين خير اذا نبهوني حتى اصحح ماكنت فاهمه خطأ




ياوردة (ن) عطرها ارتاح له واشمه=تفوح واشمها وارجع والملمها

الشطر الاول هنا اذا كان سالماً من الكسر فهو لم يسلم من الثقل وثقل مزمن ايضاً

منسم حالي وحال البنت منسمه=من يوم ماكلمت وان ماكلمها

وان ماكلمها .. واعتقد ان الاصوب ( وانا ما كلمها) واعتقد انها مجرد غلطه مطبعيه وهذا احد الاسباب يا الخليل بن احمد التي تمنعنا عن النقد ان كل شي وارد ( الغلط المطبعي-- اختلاف اللهجات ) والشعر مسموع اكثر منه مقروء

اغار عليه مابي يجرحه كمه= حتى الهوى ياهوى مارضى تآلمها

مهتم (ن) بها وهي بالحب مهتمه=ولاهمنا الناس جاهلها وعالمها

اغار عليه ..الخ الخطاب بصيغة التذكير .. وفي الشطر الثاني تحول للتأنيث يا اخي اقل شي عطنا فرصه ننسى وغيّر على كيفك في البيت الثاني اما تغيّر على طول في البيت نفسه وبدون اي طريقه فنيه تعطيك الحق هذا هو الغير مقبول.. مع اني اشك في وزن البيت اللي بدايته اغار عليه


قم يانديبي وخلك عالم الهمه= اخذ الرساله وللمجمول سلمها

عالم الهمه وش هي هذي؟؟ او قصدك عالي الهمه؟ ليتك تهتم بطباعة قصيدتك وتدققها قبل تنزلها ترى الناس تلاحظ بس عندهم قناعه انهم ليسوا اوصيا على الخلق او الشعر

ماسبق يخص قصيدة القمه لشاعرنا القمه شيخ المعاني .. المشكله تدري وش هي وانا اخوك.. ان الاسامي للقصيده والشاعر قوويه مرره وتدل على الثقه الزائده بس ماهيب في محلها ( وجهة نظر شخصيه)
============

ماوالـي الكفـار الانـذال الانجـاس
...............................لاكن مارضـى يذبحـون المسلميـن


هذا بيت من قصيدة وحي الشياطين اكتفي به عن باقي القصيده

قافية العجز مركبها بالغصب انت والاهي ماتركب هالكلمه الا بطريقة هالك هوقن

والهجاء ياعزيزي غرض من اغراض الشعر .. والحمدلله اني باستطاعتي امارس جميع اغراض الشعر بهجاءه وغزله وغيره



===========

بالنسبه لهذا الشطر

احبك
وابتسم
وشفيك؟
قال
إخددت
حموري

هذي اقولك وش معناها هذي حبيبه يوم استحا جاء بيقول احمررت خدودي ولخبط قال اخددت حمووري (يالبيييييه)

=====================


الشاعر الثاني اللي جبت له قصيده .. صدقني ماقريت قصيدته حتى الان بس اعتقد حتى لو فيه كسور هناك اسباب كثيره قد تكون عذر مثل الطباعه واللهجه بس متأكد ان الكسور فيها بتصير اقل من اللي في قصيدتك

وبعدين ضاوي قال كلام جميل


 
توقيع : عكاشه


ما عاد فيه احلام تصبح حقيقه = الوقت قاسي والزمن سبعه إعجاف

آخر تعديل بواسطة عكاشه ، 27-06-2003 الساعة 06:58 PM
رد مع اقتباس