[poem=font="Traditional Arabic,6,teal,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياشيخ جاسم والسنين وليالها=قامت تقلب ماعرفنا حوالها
صارت تيممني على غير ما اشتهي=وتحدني بقعا على حد جالها
وأنا أكافحها بقوة عزايمي=وأشيل ما لا تستطيعه جمالها
أركض بهالدنيا أجاهد ومنشغل=أدور أمجادٍ عساني أنالها
ولاهو بهمي رزقي وعيشتي بها=لكن جمايل ترتجى من رجالها
وأبو زويد قالها في مثايله=(الحمرة تدرك معوشة عيالها)
واللي مغيبني ذا الأيام كلها=نفسٍ نبي له عتق والله أزالها
فسبحان من ذا الكون يجري بحكمته=اللي جعل إلكل نفسٍ زوالها
وأنا مقصر باتصالي وجيتي=ألهتني الدنيا وذا دوم حالها
فوالله ياعزي ويا تاج روسنا=وذرى تميمٍ كلها وراس مالها
وغيث القلوب ومقدم الركب لا انتووا=هومات طيبك ما أحدٍ قبل طالها
وإني رهين أفضال جودك وفزعتك=ومواقفٍ لك قد حجاني ظلالها
فلولاك ياسيفي وذخري ومحزمي=إن كان خليت المراجل بفالها
لكن تنومسني عسى الله يوفقك=والمرجلة طولت بإيدي حبالها
الله يديمك ياذرانا وظلنا=ويحفظك من جور السنين وليالها
وأستأذنك بختم بيوتي بكلمتي=حكمة تردد كل ما جا مجالها
حتى لمن جا طاري المدح والثنا=قالوا ترى المجماج من قبل قالها
كلن حسب طيبه تبين مواقفه=لكن ترى وقفات جاسم لحالها[/poem]
<><><><><><><><><><><><><><><>
الله
اكبــــــــر
صح لسااانكـ
يابو فهـــد
وبيّض الله
وجهكـ
وافي
والممدوح
وافي
ويستحّق
دمت بخير
وفي رعاية الله
<><><><><><><><><><><><><><><>
|