[ALIGN=CENTER]السلام عليكم ورحمة الله وبركاته[/ALIGN]

[poet font="Simplified Arabic,6,darkblue,bold,normal" bkcolor="transparent" bkimage="http://arabsgate.com/poems/bgrounds/thumbnails/bg67_jpg.jpg" border="ridge,8,darkblue" type=2 line=200% align=center use=ex length=0 char="" num="0,black" filter=" glow(color=burlywood,strength=1)"]
(((((((( يافاطــــــــري ))))))))))

يا فاطري ذبي خرايم طميـّه =والى اشمخرت مثل خشم الحصاني
ذبـي طميه والفياض العذيه =تنحّـري برزان زيـن المبانـي
سلام اخو نوره لزوم ٍ عليّه =قبل القريب وقبل قاصي وداني
والى قضيت اللازم اللي عليّه =اللازم اللـي ما قضاه الهداني
الجدي حطيته بورك المطيّه =وافرق نحرها عن سهيل اليماني
نبغي ندور الطفله العسوجيه =ريحة نسمها كالزباد العماني
تباشروا بي عقب سابع ضحيه =وانـا علـيّ ابرك ليالي زماني
خبـّي وانا راكان زبن الونيّه =ما ياخذ الفضلات كود الهداني
خبـّي خبيب الذبيب بالجرهديه =ليا طالع الشيهان واللي داني
لومي على الطيّب ولومه عليّه =وراه ياخذ عشقتي ما تناني؟
ليته صبر عامين والا ضحيه =حتى يـميّز غربتي ويش جاني
إما غـدا راكـان بالمهمهيه =والا ظهر يصهل صهيل الحصاني
حريبنا اليا اهدى علينا هدية =عندي مجازاته مثل ما جزاني
نسهج محله لين يخلف نويّـه =يصبر كما يصبر جديع الاذاني
من القطيف الى النفود محميّه =الا ان يـمشيها خوي ٍ وعاني
افعالنا هذي علينا وصـيـه =فرض علينا مثل فرض رمضاني
الصدق يظهر من حباله رديّه =والكذب يقطع من حباله متاني


(((((راكان ابن حثلين )))))
[/poet]