منتديات المرقاب الأدبية - عرض مشاركة واحدة

#1 31-05-2009, 06:03 PM

[poem=font="Arial,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
جيتك وكلي شوق لكن ماحصل شيء جديد=وانا ليامني ذكرت الماضي اللي فيك جاد
قلت الصبر قالوا على ويش الصبر وانته عنيد=تخاطب الذكرى ولوفادتك فادتك بعناد
مايجتمع ندين والوصف اكتمل يومك تجيد=تجيد وصفه والتشابه بينه وبين الجياد
راع الوصوف الكامله مايختلف ولايحيد=اشبهه بالورد في بستانه وغيره جماد
حتى الغصون اللي تشيل الورد غطاها الجليد=واليا ابتسم في صبحه المشرق وضي النور زاد
كل(ن)يناظر مشهده لوكان في قربه بعيد=واذا اندمج مع واقع الايام قال الوقت اعاد
اعاد ترتيبة حروف الشعر في وصفه يزيد=يزيد من قدرات شاعر فالشعر حقق مراد
صعبه ليا مني ذكرتك وانته الشخص الوحيد=اللي يواسي خاطري لاصار فيني اجتهاد
دايم معه في مطلع الاصحاب وبشعري فريد=ماكنه الا هو ملاك الشعر في غربة بلاد
يافرحة اعيادي وانا ماارقب ياكود ليوم عيد=وضعي كذا محسود لكن فيك يا بعض العباد
[/poem]