لا تقول ما من فرق بينـك وبينـه
اللي خـدوده كنهـا قطـن ديبـاج
هذاك من يولد وهـو فـي يمينـه
مفتاح قصر وله عمارات وأبـراج
مـا مـره اللاهـوب ومدرسينـه
ساعة تخرج لبسوا راسـه التـاج
يعرف لغة ويهولـك مـن رطينـه
وتفرقه من بين برغـش وحبـاج
ولا أنت من يومك عرفت المدينـة
سكر وضغط وماليٍ جيبـك عـلاج
لو كنت مثله طين خلـق وعجينـه
تاطا على التربة وياطا على العاج
مالك مـن الأيـام كـود الغبينـه
يأكل عسل ولا أنت خبزه على صاج
تكبر ويكبـر كـل واحـد ودينـه
فالبورصه ولا أنت من هيت لي ثاج
بالصيف لفينـا وقبـرص وأثينـه
ما طب فالوادي ولا يـوم بـه داج
سبعة شهور الصيف أبـن اللذينـه
ما جاله من الضيق لوعات وخلاج
ما يشتـري باقسـاط ومعاقبينـه
في راتبه لا ضده الوقـت وأحتـاج
فالبنـك لـه تقديـر ومطاوعينـه
لا من دخل ما صابه إحباط وإحراج
أتقول كنهـم ناطريـن ومحترينـه
مديرهم من خلفتـه فـوق الأدراج
ما هو بمثلك كان هـم مكرمينـه
بطاقة الفيزا معـا سـور وسيـاج
لك شرط ولا شرطـه إمكنسلينـه
إسمه يكفيهم ويأتـي لـه إنتـاج
جوالـه إمـن أو رقـم حافظينـه
تسعة وسبع أرقـام أتـوام وأزواج
يعني ترى به فـرق بينـك وبينـه
مثل السماء والقاع واللوح والعاج
الله الله
صـــــــح
لساااانكـ
يابو ناااااصر
اي والله مامن فرق
بعد السما عن الارض ..
لافض فووكـ
دمت بخير
وفي رعايه الله
<><><><><><><><><><><><><><><><>
|