هي خمسة أعوام مرّت , والغياب : الغياب
وطيوفك آخر ثلاث سنين قامت تغيب !
خبري بك أحلى وألذ ! وفيك ما لذ طاب
في منتصف عمرك وغصنك بحسنك رطيب
ريانة العود : كيف نعود ؟ ضاع الشباب !!
وما عادت إلنا ليالينا .. بدينا نشيب !
رحتي .. ورحت .. وتسكّر بيننا ألف باب
الوقت , والبعد , وظروفك , وسطوة رقيب !
أول سنة ! قلت لا يمكن يطول العذاب
بكره بنرجع بـــ فرحتنا حبيب وحبيب
ثاني سنة ! وسط واقعنا نطارد سراب
نصف الأماني تخيب ونصفها ما يصيب !!
ثالث سنة ! ضاعت أخبارك وهــ القلب ذاب
قسمة هوانا توارت في دروب النصيب
رابع سنة ! والسؤال يموت قبل الجواب
تتذكرين الغلا ؟ والصمت وحده يجيب
خامس سنة ! يا ترى جرحك من البعد طاب ؟
أما أنا تبطي جروحي وهي ما تطيب !
ريانة العود : أحبك ! لو يطول الغياب
لكن ! طيوفك عن عيوني وراها تغيب !!!!