محمد السواط

[frame="7 50"][poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ليت شحّاد الغرام يفكني من شره = لا يسوي دلّته عندي ولا برّاده
والغرام الصح ياالعشاق .. لله دره = لا ولا يمكن يجي بين القلوب شحاده
كان مايفتح زرار الثوب وانت تزره = لاتعدّه حُب ، عِدّه حاجةٍ معتاده
والبحر مليان حوت.. ولا به الا دُرّه = قادت الخفاق غصب وجات له منقاده
كل عرقٍ من عروقي فيه منها جُرّه = وكل ذرّه من خلاياها عليه قلاده
كل ذرّه ! ايه حتى كل ذرّة ذرّه = ويمكن ان بالغت اقول ارواحنا سدّاده
ودي احكي لك عن اللي صار فآخر مرّه = بين ابن زيدون والمستكفيه ولاّده
قالت : غيابك مسوّي وسط صدري حَرّه = قلت : صدري لين ذلحينه مااعرف بلاده
قالت : حضورك يطيّر خافقي ويسُرّه = قلت : وحضورك تزاحم فالعروق اعياده
قالت : تصدق ؟ معاك احس روحي حُرّه = قلت : اصدق .. بس انا حُرّ وبدون سياده
قالت : انت السكّر اللي فالحياه المُرّه = قلت : وانتي ماانتي بسكر .. حياه زياده
قالت : انت الما وقلبي ياهواي الجَرّه = قلت : وانتي غيم للبيدا وانا ورّاده
كل مامريتي بْعرق .. القصيد يمره = يتبعك ويلقّط القيصوم فالزوّاده
شاعرك مغرور شعر وماش شي يغرّه = الفكر ريشة قصيدِه والشعور مداده
كنه اللي فوق شوك .. وكل هم يجرّه = لا تخلى عن عناه ولا تركه عناده
عايشٍ في وقت داخل في شعيره بُرّه = مات فيه .. وكل ليله ينتظر ميلاده
بيّح امن اقصى صناديق الجواهر سره = لين زادوا عن حياه العالم النشّاده
ضاق به بحره وفاضت موجته في بَرّه = وانتثر لوله ومرجانه بصدر الغاده
لين يبست حاجته في نفسه المخضرّه = ثم نادى ياعيون الكون ياصياده
ليت شحاد الغرام يفكني من شره = لايسوي دلته عندي ولا براده[/poem][/frame]


نسخة لـ .. من أراد ان يتعلّم الشعر على حقيقته ..
ابو عبدالله :_

أنت شاعر .. مدهش .. مدهش .. مدهش .. !!
من الاستهلال .. الباديء بالتمني .. مروراً بالحوار العذب الممتع المتسلسل .. ومافيه من حجة داحضة .. وقوية ..
الى الخاتمة المقفلة بذات التمنى .. !!
لله دركـ .. عدد ماكتبت ويُكتب .. من إبداع ..
..
..
..

محرك البحث تحت اسمك .. مليء بالشعر الراقي ..

,