انا وشلون اقاوم سحرها .. والـروح محتلـه
بَنَت مستوطنتها .. واركزت فالقلب .. رايتهـا
هذي بنت الله الله .. ماهي (ب)يعني .. وحي الله
تكبّرها مفاتنهـا .. مـع انهـا فـي بدايتهـا
عذاب العاشق اللي في هواها .. ما برد غلّـه
بعد ما الله كشف له سر رغبتهـا .. وغايتهـا
امانه يا عيون النـاس كفّـوا .. واذكـروا الله
وخلّوها تعيش الحـب .. وتمـارس هوايتهـا
ودخيلك يالهوا ترى سحاهـا .. طبـع وجبلّـه
طلبتك هبّهـا بشويـش .. لا ترفـع عبايتهـا
على هونك .. ولا لك فالكلام .. وكثره .. وقُله
اغار من اهلها .. واغار حتـى مـن مرايتهـا
عليها القلب وامان الخفوق .. وستره .. وظله
وهوْ اللي يحتميها .. ويتكفّـل فـي رعايتهـا!
للحصيّن خالد
|