عسى ان ترتقي الى ذوائقكم .,


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صلبت طيفك وقطّعت اربعه من خلاف = على جذوع الضلوع وحد سيفي صقيل
مانيب خايف .. ولا يجدر بمثلي يخاف = مايغني الخوف من جوع ولا يبري غليل
على اثر ماكان من فقد الليال العجاف = لقيت نحبْك .. وواريتك خفوقي قتيل
مثواك في الصدر والضلع القصيّر لحاف = يمره الشوق في خفيه بصبر ٍ جميل
في ظل احاسيسي المستوطنه في ضفاف = اعز ما املك من امس الذكريات الظليل
أهون علي احتفي بك في الضلوع النحاف = وارثيك باغلى ماجادت به بحور الخليل
لاصار في اهون سبب يسهل عليك اقتراف = مايجعل الروح عرضه للعذاب الطويل
ياسالف الذكر .. ماكان اتهامي جزاف = في كل الاحوال واجهتك بذكر الدليل
ولاكان لك حق مهما طوّل الاختلاف = تجرح غروري .. وتغتال الشعور النبيل
انت اغرب انسان يستعصي عليه اكتشاف = مكانته .. قبل يشعل بالزناد الفتيل
وانا اجرأ انسان يدلي للزمن باعتراف = نَصّ اوله عن تلاقي .. وآخره عن رحيل
اصدق لو اقول قدرك في عيوني يشاف = واكذب لو اقول ما انهكني خطاك الجزيل
تعبت .. والبعد لو ماكان سم ٍ زعاف = ماكان طابع شعور الوصل .. من سلسبيل
[/poem]

.




ss15s1@hotmail.com