مخايل

مثواك في الصدر والضلع القصيّر لحـاف
يمره الشوق في خفيـه بصبـر ٍ جميـل
في ظل احاسيسي المستوطنه في ضفـاف
اعز ما املك من امس الذكريـات الظليـل
أهون علي احتفي بك في الضلوع النحاف
وارثيك باغلى ماجادت به بحـور الخليـل
لاصار في اهون سبب يسهل عليك اقتراف
مايجعل الروح عرضـه للعـذاب الطويـل
ياسالف الذكر .. ماكان اتهامـي جـزاف
في كل الاحـوال واجهتـك بذكـر الدليـل
ولاكان لك حق مهمـا طـوّل الاختـلاف
تجرح غروري .. وتغتال الشعور النبيـل
انت اغرب انسان يستعصي عليه اكتشاف
مكانته .. قبـل يشعـل بالزنـاد الفتيـل
وانا اجرأ انسان يدلي للزمـن باعتـراف
نَصّ اوله عن تلاقي .. وآخره عن رحيل
اصدق لو اقول قدرك في عيوني يشـاف
واكذب لو اقول ما انهكني خطاك الجزيـل
تعبت .. والبعد لو ماكـان سـم ٍ زعـاف
ماكان طابع شعور الوصل .. من سلسبيل


عذبه وصح لساااااانك ولا هنت وأنت عذب

المرأة تبقى. مرأة
ومن تقول انها لا تحتاج إلى رجل في حياتها.
فهي. كاذبه.
أو لم تكتشف هذي الحقيقه إلى الان. ?.