08-06-2009, 09:42 PM
|
|
|
|
|
|
(*( مشرف )*)
|
|
|
|
|
|
|
|
لوني المفضل
Blueviolet
|
|
رقم العضوية : 1871 |
|
تاريخ التسجيل : Aug 2008 |
|
فترة الأقامة : 6235 يوم |
|
أخر زيارة : 26-05-2017 (10:32 PM) |
|
العمر : 43 |
|
الإقامة : رماح |
|
المشاركات :
2,187 [
+
]
|
|
زيارات الملف الشخصي : 27006
|
|
بيانات اضافيه [
+
] |
|
|
|
|
(( تحـــدي للجميــــع ))
[poem=font="Simplified Arabic,6,green,normal,normal" bkcolor="transparent" bkimage="" border="double,4,green" type=2 line=0 align=center use=ex num="0,black""] الجادل اللي من سببها قمت أعدي كل ريع=أنا اشهد إني في هواها من غلاها ملزمي
استيسرتني بالنواعس واتعبت قلبن وجيع=وأنا المتّيم والمعذب والمحب المغرمي
الله عطاها من شبيب الحب والقدر الرفيع=والله عطا شبيب منها طعنتين وميسمي
تفرق على خرس العيون ولا بعد جابت رضيع=حوريةٍ في وصفها للحور يمكن تنتمي
زينٍ يفوق الوصف والحكمه لخالقها البديع=لجل انفتن في بارقٍ يكشف وليلٍ مظلمي
ليا مشت باقدامها في ارضٍ محل تصبح ربيع=لو كان ماجاها سحاب ولا رعودٍ ترزمي
لا ناموا السالين ثم قفى من الليل الهزيع=قامت تطوف افكاري براسي طواف المحرمي
وجدي عليها وجد شالح يوم فارقه الفديع=أو وجد ابو يوسف على لاماه قدام يعمي
أو وجد ضيف جديع يوم يقول تكفى يا جديع=إفزع لمن يشكي غرام الترف زاهي الملثمي
ويا تل قلبي من سبايبها مثل تل القطيع=تلّوه ربعٍ ما تعرف الموت لا ثار الرمي
فهيد ومسلم واخو موضي وعساف الشجيع=يوم القبايل بالشيوخ وبالمهند تحتمي
ولو اعتزي وانخى هل الغلبا وانادي يا سبيع=لبّوا بني عمي وربعي فالشدايد محزمي
ربعي مقابيس الدجى ومطوعة من لا يطيع=لأصحابهم سكر وللعدوان مثل العلقمي
لكن حب البيض ماله لا نصير ولا شفيع=من لاج في داخل فؤاده بالهنا لا يحلمي
سلطانه يهز العروش ويشبه لشوك النقيع=قد هز عرش اهل الشجاعه في الزمان الاقدمي
في سوقه أحدن يشتري وأحدن من اللوعه يبيع=واللي دخل سوقه على نار المحبه يقدمي
وكان البضايع بعضها تلقاه في سوق الرجيع=أنا عشقت الجادل اللي ماتجي بالدرهمي
أحب لي عمهوجةٍ من حبها جرحي فضيع=أنقل صورها من خيالي وآتأمل وأرسمي
رموشها موتٍ حمر تطعن وأحد من الذريع=قاومت عكش اهدابها مده ونكست علمي
قالت علامك ما تقاوم قلت والله مااستطيع= قالت لي استسلمت قلت ايوالله ابستسلمي
بس ارحميني قالت إصبر كان لك صدرٍ وسيع= الحب ما هو يوم يارجال كانك تفهمي
وناديتها وانا تحت رحمة نواعسها منيع=إن اقبلت رد انسمي وان اقفت يضيع انسمي
وأقّفت تخطى كنها تعلن تحدي للجميع=قالت هزمتك وأحسب إنك في اللقاء ما تهزمي
وانا عليها أخاف من بث الاذاعه والمذيع=وأدرى على السمعه واخاف ازل ويزل اقدمي
والا اقدر أسري مثل ما يسري الدجاء ذيبٍ مجيع=لكني آقدر واحشّم والحشيمه تحشمي
يا باشة الغيد المحبه ثلجها يمكن يميع=امّا حصل وصلٍ يخلينا بجوه ننعمي
طال انتظاري يا جميله والعمر يمضي سريع=وانا على جمر الغضى ساهر واعد الانجمي
تجملي بي والجماله عند اهلها ماتضيع=يا أم العيون اللي ليا منها رمت ماترحمي
[/poem]
وسلااااااااااااااااااامتكم
شبيب بن شاهر
أكذب عليك إن قلت لك: ما نيب مشتاق=عزالله إن الشوق كفى ووفى
غلاك ثابت داخل أعماق الأعماق=هوهو .. لين آموت والا آتوفى
أسلوب وإحساس وسواليف وأخلاق=ومشاعرٍ كنّي عليها آتدفى..!
خالد الحصين
|