[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

مابين غيرة عدو وبين شرهـة زعـول = داخل لساني نحـرت الكلمـه الشافيـه

وعطيتهم ابتسامه واختصـرت الحلـول = لانهـا بالمواقـف دايــمٍ كافـيـه !!

من يوم شفت الردى بادي يصول ويجول = قمت اتشفـق وجيـه العالـم الوافيـه !

الناس مثل السهم ابْلا طلـوع ونـزول = وفي كل ليلـه تزيـد الشلـه الهافيـه !

معاد فيهـم حيـا لكـن فيهـم فضـول = ماتسكـر حلوقهـا وتبـلـع العافـيـه

ياراعي الهرش هرشك مايشيل الحمول = وياراعي النار ولّع نـارك الطافيـه ؟!

تحللون البشر علـى جميـع الفصـول = عيـون بالمدبـره وعيـون باللافـيـه

البنت بخلاقها مو شـرط عنقـا وزول = والرجل فـي وقفتـه والنيّـه الصافيـه

واهل المضاهر تموت ولا لهم بالفعـول = الراس ناقص عقل وثيابهـا ضافيـه ؟

اقولها والضمير الحي ايعرف الاصـول = والرجل للحـق امشّيهـا ولـو حافيـه

صحيت من غفلة الاحلام ؟ وكل الذهول = لقيت احاسيس شعري ماهي ابدافيـه ؟

معدت مثل اوّل اهيجن واعـن الخيـول = ولا عـاد تغرينـي الاوزان والقافـيـه

ارتحت مدامني فـي كـل ليلـه اقـول = الحمـدالله ياربـي علـى العافـيـه ؟ [/poem]

اللـي يخونـك ويعلّـم كـل ماخانـك = ابرك من اللي يخـــونك وانت ماتدري ؟!!

الاميل الجديد

tr.kuw-@hotmail.com