,
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياشعر وانته تصطفق كالموج فالبحر الغزير=مراكب الشعـار تبحـر والريـاح إتعلهـا
ان كان ماجبتك على ماقيل منقطع النظيـر=ولا بلاش من القصايـد والطـروق ازلهـا
اجر صوتي واتقدم وادحـم الجمـع الغفيـر=والكلمه اللي في ضميري تاتجي في حلهـا
جتني على مابغى وانا مابين الاول والاخير=اموت في حب الديـار اللـي يظلـل ظلهـا
واغلى قصيده تحمل اسمك ياوطنا غير غير=منظومتن من يستمع في بيوتهـا ماملهـا
سلام يادار الكرم والطيب والخيـر الوفيـر=سـلام والطـاري يشـد قلوبنـا ويتلهـا
سلام يادارٍ بُعث منها النبـي احمـد نذيـر=سلام يامهـد الرسالـه والفضايـل كلهـا
الديره اللي عاش فيها صاحب الوجه المنير=كان الوحي من فوق سابعة السما ينزلهـا
الله جعلك حب في قلب الكبير مع الصغيـر=وهذي حقيقه ثابتـه كـل العقـول إدلهـا
ننعم بخيرك تحت ظل الوالي الحـق القديـر=ثـم ظـل حكـامٍ تعقـد حبالهـا وتحلهـا
لموّ شتاتك واستتب الامن وارتاح الضميـر=بحد السيوف اللي ينومس فالملاقـا سلهـا
ولو راحت الدنيا لازلنا نذكر معـزي بخيـر=وعياله اللي يخلفونـه فالامـر كفـوٍ لهـا
حنا لهم واللي مايحمى ماقفه ملعون صيـر=وقفاتنا تشفي الكبـود اللـي تزايـد غلهـا
واللي خلق فينا الولا لو جت عبوسٍ قمطرير=ماهوب فينا اللـي تخلّـف والعـدا لنذلهـا
ويعيش ابو متعب ابوالوقفات والوجه السفير=والله يعـز الديـره اللـي نستظـل بظلهـا[/poem]
|