الســـلام عليكم ورحمة الله وبركاته

هذا موقف طريف مر على احد الاخوان المشرفين في المرقاب

بس من هو ؟ هذي يبي لها جلسه ويكون الشيخ شفق على يمناك 00 على فكره ياشفق مانتب صاحي على قصيدتك اللي كلمتك عنها احس انك مبدع وانا ماودي احس هالاحساس

المهم لا نطلع عن الموضوع المساله اخينا بالله المشرف هذا كان على الماسنجر يسوولف مع واحد من الشباب 00 واحددد قلنا ماقلنا اثنين اكيد بعضكم راح تفكيره بعيد بس لا عاد يتعودها

المهم الاخ المشرف جاه طلب اضافه ماصدق الظاهر اول مره يجيه اضافه :D

المهم <=== ياكثر ماقلتها المهم الاخ المشرف 00 شاف الاسم حق طالب الاضافه 00 الا هو مكتوب ابو ؟؟؟<==ثلاث علامات استفهام يعني الاسم من ثلاث حرووف 00 يعني يابو سعد يابو بدر يابو فهد يابو شفق

<=== ابووه تشفير بس ترى ماهوب شفق لا تتهمون مبدعنا الجديد


المهم المشرف قام يقول لطالب الاضافه من انت 00 وقام طالب الاضافه ابو ؟؟؟ يرقص في المشرف ويقوله انت اللي من انت ؟ وكل واحد يسال الثاني طولوا على هالطريقه

هم ماطولوا بس انا اقول كذا علشان تصير القصه زينه مدري نحول

المشرف قال للي طالب الاضافه 00 يابن الحلال انا فلان بن فلان 00 وحط المشرف باسمه الصحيح 000 ضحك طالب الاضافه

خخخخههههههعهعهعهعهعهعه <=== ضحكة اللي طالب الاضافه

قال المشرف خير وش فيك تضحك

قال اللي طالب الاضافه انت فلان ماغيره اخوي

قال المشرف وانت ابو فلان اخوي

قال ابو ؟؟؟ ايه قام عاد المشرف قال لاخووه والله ماعرفتك بس تدري يابو ؟؟؟ تراك من اليوم حظررر بالماسنجر وقام وصك اخوه بلووك

انا عاد هنا اطالب هالمشرف انه يفك الحظر عن اخووه والا محطت باسمه هناااا