عيسى الشاطري

بسم الله الرحمن الرحيم ..

اخواني . اخواتي .. اعضاء وزوار هذا الصرح الشامخ
في نهاية هذا الاسبوع نعلن .. عن قصيدة احد شعراء هذا المنتدى
التي كانت معكم لمدة اسبوع . ترك المجال لكم . لتخمنوا .. من ذا يكون قائلها ..؟

ومن هاذا المتصفح نعلن ان القائل هو ..:_/
شاعر الابداع .. ومهندس الكلمه . لم يسبق له اي ضهور اعلامي .
بل صخر جهوده في منتديات المرقاب وكسب حب الجميع هنا ..
حيث كان تسجيله : May 2007

وهو الشاعر القدير
المسرّي
[poem=font="Simplified Arabic,5,black,normal,normal" bkcolor="transparent" bkimage="" border="double,4,blue" type=2 line=0 align=center use=ex num="0,black""]
سيدي والمحبه من قديم العصور=تلتهب نارها في كف عفريتها
علّم اللي يقول إن السعه فالصدور=ما بقى فالصدور الا تناهيتها
بين فجر الحروب وبين حرب الفجور=ضعت وأزعلت لي خلان وارضيتها
الحلا غرني وأنا مانيب مغرور=ساعة ما ضبطت بعقل توقيتها
لنت ما شنت والدنيا رحاةٍ تدور=واستوت دلة الكيف وتقهويتها
بعد ما كان قلبي من حديد وصبور=وإن تحدّتني الدنيا تحديتها
ما آخذ الحكمه الا من طوال الشبور=من دهاة الرجال ومن عناتيتها
صار دمي على غير الغلا ما يفور=حشمة الفارع اللي كم تمنيتها
أووف يانورها اللي ما يغطيه نور=ويا دلعها وأناقتها وإتيكيتها
والله إني قبلها في سرور وحبور=ليتني متّ لا جتني ولا جيتها
ابتدت لعبة العشاق في كل دور=واحتداني هوى النفس وطواغيتها
كيف (ساعة حزن) تستاق (ساعة سرور)=وأنا لا الحين باقي ما تهنّيتها
ياحبيبي وش تدوّر مابين السطور=عنك ما اخفتني اشواقي ولا اخفيتها
والله إنّي بدونك ما استطيع العبور=مد يمناك أنا يمناي مديتها
شاعرك غير ..في نبض الشعر والشعور=استمع للبيوت اللي ظهر صيتها
ما تسلطنت بالشهره وحب الظهور=غير بأبياتي اللي فيك غنيتها
والشهادة ما جتني من هل العرف زور=قالها سيد الشعار وأوحيتها
ها وكلي عذر لو صار مني قصور=سامح الله هوى النفس وطواغيتها[/poem]

اما من كانت تخميناتهم صحيحه من بين الاعضاء . هم ,
1) سهو الكرشمي
2) فراج القرقاح
3) خالد السيحاني

ولأن يحق لـــ سهو الكرشمي يطلب من شاعرنا طلب واحد يقوم شاعرنا بــ تنفيذه

انتظرونا بداية الاسبوع القادم مع قصيده جديده

تقديري