[poem=font="Simplified Arabic,6,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] شكل الفراق اشبه بشكل التلاقي=متواعدين اليوم .. متوادعين امس
هذا انت جيت وما تركت اشتياقي=ايْخايل طيوفك ويستـسرق الهمس
كن القصيـد يقول : فكّوا وثاقي=ان ما كتب فيـنا بقى خاطره عمس
وايديك اذا امتدّت غـرام لْـ/ عِناقي=توجّهت حواسي الخمس للـ/ لمس
القلب وعروقه على ما انت هاقي=طمست يا نبضه من يراوده طمس
انا بدوي تعاملي معْـك راقي=وانت حضري وتزيد لـ/ قْهَوْتي الحمس
لي نصف يومك وانت لك نصف باقي=كل يوم انا ويّاك من خمس إلى خمس
شمس وجبل حالة لقـاي وفُراقي=أول بشـر شفتك .. وآخر بشـر أمس
راس الجبل للشمس .. أوّل ملاقي=و راس الجبل آخر من يودّع الشمس[/poem]