منتديات المرقاب الأدبية - عرض مشاركة واحدة

23-06-2009, 05:05 AM

الشعر حالة تعبر عـن كـذا حـال
والصدق خمسة حروف من القصيدة
وقريحتي ماتجي في كـل الاحـوال
الا بفكـره مـن افكـاري جديـده
احضر حضورً يجي في حجم الامال
مـاطلق خطام الثمينـه بالزهيـده
اطرب لها كنهـا مـن ذود فنجـال
ترعى بقلبي وتشرب مـن وريـده
واللي سمعته قبل يوميـن ينقـال
زعّل على البرمكي خاطر رشيـده
يقول شعـر النبـط تفكيـر جهـال
والبدو لو هايطـت بـه مستفيـده
واقول شعر النبط ميـراث الاجيـال
والبـدو سيـفً مصلـط للعقيـده
اهل الكرم والشجاعه واهل الافعال
اللـي تمـد العـدو حقـد وتزيـده
وفقيرنـا فاللـزوم يدبـر الحـال
ويحط حاشي لو السفـره جريـده
يفرح ليا سد لـه حاجـه لرجـال
يعطي (بصاطه ) ويرجـع للحديـده

الله ،
الله ،

البدوي المبدع : عفاس بن حرباش