خالد الحصيّن

هلابك يابو مهنا
لن ارد على تعليقك اعلاه .. لكن نصيحتي لك لا تكثّر فاللكاعه واجد .. خصوصاً اذا كانت نفس كذا
واذا لا بد منها .. حاول انك ما تلكّع .. عند [ مغن اللكاعه ]


وفالك طيب


نرجع لـ محور حديثنا .. :-





س3/ انت متهم او موسوم و مشهور بين الأعضاء بأنك من أنصار مواضيع المرقاب العام
مثل اجمل توقيع و مسج لمرقابي و افتقدناهم و غيرها من المواضيع اللي زي
كذا.. و يقال بأنك تجاهد و تنافح من أجل إبقاء هذه المواضيع و السبب يعود
كما يقال لأنك من أنصار شلني و اشيلك و امدحني و امدحك و افقدني و افقدك
و مسجني و امسجك كل هذا من أجل زيادة عدد المشاركات ...
انا هنا لا أريد منك تبريراً لهذه التهمه .. فالتهمه امر مفروغ منها و منتهيه


المواضيع التي ذكرتها ليست من بنات افكاري
حيث ان [تواقيع الاعضاء] .. كانت فكرة المبدع / كلاش ..وكان بداية التنفيذ عن طريق الاخت القديره / سراب
ومن ثم قامت الادارات المتلاحقه بـ مواصلة الجهود لـ استمرارية هذا الموضوع حتى تاريخه ..!
و[مسج مرقابي] .. كان فكرة المبدع / عبداللطيف الغامدي .. و[افتقدانهم] كان فكرة الدكتور / سداح
وايضاً تواصلت الجهود لـ استمرار كل منهما حتى تاريخه ..!


هذا من ناحيه
ومن ناحيه اخرى .. التهمه التي ذكرت
مجبور اني افنّدها وارد عليها .. ليس لاقناعك لان اقناعك لا يهمني مع احترامي لك ، ولكن لـ توضيح هذه النقطه لـ المتابع .. فقط !


جميع المواضيع التي ذكرها الاخ شفق
لك ان تتصفحها اخي المتابع موضوع موضوع .. منذو بداية نشأتها حتى كتابة هذا الرد
وان وجدت انني من [اكثر] او [اوسط] الاعضاء مشاركه .. سأتنازل عن عضويتي
رغم انها ليست ميزه .. ان اكون من اقل الاعضاء مشاركه في مثل هذه المواضيع الرائعه والمميزه
ولكن للأسف اضطررت ذكر هذه النقطه مجبوراً .. للرد على هكذا سؤال ..!





السؤال و بما أنك ( مستشار اداري ) و يأخذون رأيك ( بحسب كلامك و الا النيه بريه ) ماذا تضيف هذه المواضيع للمنتدى كمواضيع ذات فوائد فكريه
و إبداعيه تفيد المنتدى لا الأعضاء؟؟؟ لأن اللي صاير انها تفيد الأعضاء في عدة
جوانب اما زيادة عدد مشاركات و إما تميلحات و مهايطات.. لكن للمنتدى لا يوجد اضافه تذكر...




لا اعلم هل مسمى (مستشار ادراي) يعتبر معضله لك وعقده لا حل لها
من خلال تكرار ذكره في كل مره .. والتشكيك في صلاحيات واعمال هذا المسمى
عموماً .. هذه المواضيع تحمل بين طياتها [الوفاء والمحبه والنقاء والقرب] بين العضو وزميله العضو الآخر
قد تكون هناك بعض الممارسات الخاطئه تتعلق بنا نحن الاعضاء خصوصاً
في موضوع مسج مرقابي .. وهي بدون شك اخطاء فرديه .. ولكن لا تلغي جمال وهدف هذه المواضيع
وتبقى الاخطاء الفرديه تحت تصرّف المشرف المختص لـ علاجها ..!
كما انني استغرب تلميحك الى زيادة عدد المشاركات .. وكأنني في حاجه الى زيادة هذه المشاركات ؟؟
او كأن الزياده في عدد المشاركات تجعل من العضو [ شيخ بـ ختمه وبشته ] ..!
( ياخي عليك شطحات تخليني اشك في تاريخ ميلادك )


كما ان هناك الكثير من المواضيع ذات الفوائد الفكريه والثقافيه
ولك ان تطّلع عليها متى شئت .. والابتعاد عن ما يخالف توجّهك النيّر وثقافتك المنزّهه






س4/ بما انك ماتحب النفاق .. وتحب الصراحه .. و هذي ما تعرف لها درب الا معي انا فقط
و بما أنك أحد المدراء السابقين للمرقاب .. ماهي أسوأ فترة إداره في المرقاب .. غير فترتك انت ..
لا تنسى انك تقول انك انسان صريح و واضح و لا تحب النفاق و المهايط..
و ابيك تبلور فكرة انك صريح و ما تحب النفاق في الإجابه على سؤالي اعلاه
بذكر اسم صريح ( مع عدم ذكر فترتك الإداريه فهي مفروغ من امرها )



بما انك صرّحت ان فترة ادارتي مفروغ من امرها .. كـ اسوأ فتره
اذاً [تكفيك فترتي .. عن الباقي] ، رغم انني ارى ان جميع الفترات الاداريه التي كُلفت بـ ادارة شئون
المنتدى منذو نشأته .. مميزه إدارياً .. ولكل اداره انجازات وتميّز ورقي خلال الفتره التي
استلمت بها زمام الامور ، وهذا لا يمنع من وجود بعض التجاوزات في كل اداره
وهذا شيء متوقّع ..!




س5/ ايضاً و بما أنك صريح .. فأنت قد تجلت مصارحتك لي في ردك على موضوع
( المشاكس القدير ) و قلت ( بأن شفق يثير المشاكل و الضغائن و يثير الفتنه بين أعضاء المرقاب)
من هذا المنطلق ابيك تجيب لي ثلاثة مواقف تسند تهمتك اعلاه.. (و الحجة على من ادعى)
فإما ان تذكرها و تذكر شخوصها و إما ان تعتذر أمام الجميع .. و راح اعتبرها غلطه مطبعيه



ولماذا اعتذر ؟
هل ما قلته عنك .. يُخرجك عن المله ؟
كل ما قلته عنك ثابت بـ الادله والبراهين .. ولم اخرج عن المألوف عندما قلت عنك ما قلت
ومن اراد الاطلاع على الاثبات .. لا عليه سوى البحث عن [ يوزر شفق السريّع ] .. ولن اطلب !!
ان يتنازل المدير / محمد السواط .. عن يوزره لمن اراد ان يبحث ..!
بما ان اغلب التجاوزات موجوده فالاقسام الاداريه !!


فـ الموجود في جميع الاقسام .. يكفي ويلبّي ما يريده الباحث
وأُؤكّد .. انه سـ يضيف الى [الثلاث مواقف] التي ذكرت .. اصفار ..!






س6/ انت متواجد دائماً في قسم المحاوره و تعد نفسك شاعر محاوره في النت
طبعاً.. و الا برا و الله ما عندي خلفيه ..
ودي تجاريني في هذين البيتين ان امكن.. من باب تغيير نمط الموضوع
و الأسئله التقليديه.. على قولتك ( شفق دائماً وده يقول هذا انا )



[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

الشهاده هالسنه مثل المقاضي=و الدليل آخر طبيب ٍ رحت صوبه

( خيري أمجد لقلقي) دكتور فاضي=إن لقى له حالة صداع يقول نوبه

خوّله نصّاب يلبس ثوب قاضي=و ابتلشنا فيه يا شين العقوبه

[/poem]



و الله اني اقلني بيتين لكن زدتها بيت اضافي عشان ما تصير محاوره




اول شي صح السانك
والله يعافيك ويشفيك .. ولا يحدك على اللي ما يبيك
دكتور والا غيره
ثاني شي بغيت ارد عليك .. بس اكتشفت ان فيه خلل في احد الاشطر
لذلك .. خيرها بغيرها ..!





س7/ قبل اربع سنوات .. حضرت انا امسيه في النعيريه .. و تصادف حضورك
انت لتلك الأمسيه و معك عضوين من المرقاب
و كنت جالس انا في المقدمه و انتم في الوسط المهم التفت انا للخلف و شفتكم
و جيتكم اسلم عليكم.. و كنت لأول مره اقابلك و هي كانت آخر مره المهم
جلست اسولف معكم و اتحفـّا بكم و قمتوا على طول و قلتوا حنا نبي نطلع برا
عشان فلان يبي يدخن .. قلت اخذوا راحتكم .. خمس دقايق التفت انا للخلف
الا انتم ما شاء الله مرتكزين على الكراسي الخلفيه.. قلت في خاطري وين اللي
كانوا بيطلعون برا.. عاد انا لي عاده ما اخليها.. لازم اطرد الواحد لحد داره
و اشوف وش خاتمته.. المهم جيتكم.. و قلت وش الحركه هذي.. و قمتوا
تطالعون في بعض... في الأخير علمت ان واحد منكم ما يبي يقابلني و حاشكم
معه و حطكم في موقف لا تحسدون عليه...


بما أن الصراحه منتفة ٍ جنوبك مع شفق .. ابيك الحين تصارح شفق
وش السبب اللي خلاك تترك رفيقك اللي جاي يتحفـّا بك و مبسوط من شوفتك
السالفه هذي ما لك عذر تنساها و السبب ( اني ما قابلتك في حياتي الا هاك المرّه)
يعني ما تضيع مع مرّات ٍ ثانيه و تقول و الله اني ناسي.. ما تمشي معي
هات الجواب يا ابو الصراحات و عدم النفاقات
مهايط الماسنجرات و ابشر و يا بعد راسي ماهوب عندي هههههههههههه




يا طول السؤال طولاه
اول شي كل الكلام اللي قلته .. غير صحيح
ولا فيه اصلاً سالفه عشان اذكرها والا انساها ؟؟ المسأله كلها حضرت امسية مدغم بو شيبه
انا ومحمد جارالله وسعد براك .. وتواجهنا مع مطلق بن شويه هناك وجلسنا نتابع
الامسيه .. وتقابلنا معك انت وابو يحيى .. ناصر الاحمري وسلمنا عليكم
سلامٍ حار .. وفرحنا بشوفتكم .. بما ان حنا اخويا فالمنتدى وبينا احتكاك وزماله ورفقه
وانا اللي تحفيت بك وداعبتك ومزحت معك وقلت [ وش هالخيزرانه اللي تومي بها يابو مهنا ] .. شكلك
مشروع شاعر محاوره .. ومن هالكلام .. وفمان الله فمان الله !


الا اذا تبيني اطنب بالصياح .. واقول يا ناس يا عالم انتوا تشوفون اللي انا اشوف
ابشركم اني قابلت شفق .. فـ هذا شي ثاني !!









الأخ الحصيّن الغالي اتمنى تتقبل مداعباتي معك بكل صدر ٍ رحب

اشوفك
و اختار بعدي للأسئله
حامد المطيري


فالك طيب يابو مهنا
وحنا اخوان اول تالي .. واختلافي معك لا يعيبك
وتوافقي معك لا يزيدك ..!




وانا اختار
عبدربه

khalid@mergab.com