بنت وايل

.

.

.


[poem=font="Simplified Arabic,4,gray,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
تدرين وأدري ويش من وقتي انباق = لو ناسي الغالين كانو قبالي
وش لون ماابعد كل ماخاطري ضاق = لا صرت ويّاهم وكنّي لحالي
يا نوف ليلي مظلم وشمس الاشراق = من دونها غيم(ن) سلبني ظلالي
أنا خذاني العقل في لحظة ا فراق = و هز الكتوف و طاح منّي خيالي
كيف أنطر الهمّال لا شفت برّاق = ووعود هذا الوقت يا همّلالي
هذا الزمن خذيت من كفّه اطراق = وش لون ودتس أنضرب منْه تالي!
لو نظرتي للوقت سودة فلا راق = حتى البياض اللّي فرضته في بالي
أصد عنْتس.. وأنتظر منّتس ا عناق = احتاج لتس.. وآخاف يبكيتس حالي
لاتزعلين انْ شفتِ الدمع حرّاق = قولي دموعي من علامة جمالي
و لاتمدحيني لو عليْ الحزن لاق = لا زاد من حسْني بينْقص دلالي[/poem]


.

.

.