[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يالله يارب العباد المخاليق "=" ياعالم الأنسان واللي بكبته
ياكاشف ٍ ماكان بين المعاليق "=" اللي شطبته فالقصيد وكتبته
شاعر ولالي غير بدع الطواريق "=" ياما كليت القاف وياما شربته
شاعر ومتهّور ومبدع وذويق "=" والواهس الشعري لاجاني نهبته
مرات أحطه واحة ٍ فالزماليق "=" يازين زملوقه ويازين نبته
ومرات ماطيقه ولاهو لي يطيق "=" قدام عيني لو قرب .. ماقربته
أصد عن دربه ودرب المطافيق "=" ماكل داعي لادعاني وجبته
لكّن يامحمد عليك الصناديق "=" أقفل على اللي قد قفلته وسبته
هذي هي الدنيا حظوظ وتوافيق "=" وأسبوعك يمرك بجمعه وسبته
تعال يامحمد وصلح لي بريق "=" تراي مبطي .. الشعر مالعبته
أخوي وأكبر مني سن.. ومواثيق "=" ومافيه شي ٍ لابغيته ماجبته
والصاحب اللي طبق الدور تطبيق "=" ياجعله السلال كاني غضبته
لا يحسبنه فوق كل الشواهيق "=" تراي من بعض المواقف شطبته
ماني بحسب أحساب بعض المداريق "=" تحسب علي أن كان جيت وحسبته
مجالس النسوان وبعض المطافيق "=" مثل السراب أتيه لامن قضبته
وفعلي معا أوجيه الرجال المطاليق "=" ناموس واعجااب وفخر لا كسبته
مانيب لحق ٍ مثل باق الملاحيق "=" ولا كل قبر ٍ لانصبته نصبته
ولانيب يم أعجاب بيض الغرانيق "=" يكفيني اعجابي بنفسي وصبته
دشيت للساحـه بعزم ٍ وتحقيق "=" وحطيت لي درب ٍ لحالي ركبته
واللي يحب اللفلفه والتلافيق "=" بيحط لي ذنب ٍ وأنا ما ذنبته
[/poem]
|