وأتركني أشفي غليل الوقت واشـرب زلال
في عالي الرجـم واتفيـا ظـلال الشجـر
لـو أنـي أدري تلايـم هالثنينـه محـال
مثل أختلاف المذاهـب واختـلاف البشـر
الله الله الله الله الله
عليك ياللي صوابك في ضلوعـي إجـلال
ياللي شبرت الضلوع العوج حـب وشبـر
خليتني في الـدروب القشـر روح وتعـال
واقفيت لا علـم جانـي منـك وآلا خبـر
وانا خويـك رفيـق الليـل راف الخمـال
منادم الهـوج سيـد قـوم شـوخ وجبـر
الله الله الله
عطني من الود مـا يتـرك لقلبـي مجـال
يشتاق للصوت والضحكات همـس ونبـر
واسرج لي الوصل واقرب لا يموت الوصال
واموت من حبك الطاهـر ولا القـى قبـر
هـذا كلامـي وقلتـه والليالـي طــوال
والقلب دم حمـر والقلـب لاجلـك خضـر
ياسلام عليك ياسلطان هذي لشاعر مبدع صحيح ماهوب مبتدي
صح لسانك مليوون
تحياتي
|