[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياهاجسي مع زحمة الشعر والناس = جنب عن الهزله وهات الثمينه
لاتجلب الفضه ولاتجلب انحاس = هات الذهب لاحان وقته وحينه
سوق الغلا جلابته ترفع الراس = واهل الذهب لجل الغلا عاشقينه
كثر القصيد وكل شي ٍ له اقياس = وكراهت الهزله تعشق السمينه
البحر غواصه على عدة اجناس = واللي يجيب الدر تسلم يمينه
احد ٍ معا صكات الامواج ينحاس = واحد ٍ من اكنوز البحر جاب عينيه
واحد ٍ مع الركاب يفخر بمجلاس = ويقول انا سافرت فوق السفينه
بقيادة الربان مايلحقه باس = لكن لو يحتاج نفسه غبينه
الشعر مثل البيت يبنى على ساس = والبيت ساسه مفخرت ساكنينه
الشاعر اللي خبرته بين الاقواس = وش خبرته دام العرب حاصرينه
مادام راسه ينحني تحت الامواس = لا قابل الشعار ياشيب عينه
لو كرس اجهوده بحبرن وقرطاس = الناس تعرف ويش زينه وشينه
لاصار ماله في دجى الليل نبراس = لاخير في جهده وكثرت ونينه
الكهربه ماتنتطابق مع الماس = ومن لاعرف قدر المواهب تهينه
ماقلتها من باب فخر وتحماس = واقع حقيقه والعرب خابرينه
اسمع واشوف وعندي اشعور واحساس = واستنتج افكاري وتبني مدينه
مدينة ٍ تلفت نظر كل عساس = تلفت نظر من دين الاسلام دينه
من عصر ابو ليلى ومن عصر جساس = والشعر فيها مستمدن سنينه
لاعصر ابن جدلان والدرع والطاس = مازال عند اكلب فخر لابسينه
فينا على الموروث غيره ونوماس = مهما تكون العولمه حافضينه
وكل القبايل مجدهم يرفع الراس = وفي كل جانب حقهم محتمينه
وصلاة ربي عد ماهب نسناس = على رسول ٍ بالهدى تابعينه [/poem]
صح لسااااانك يا بطي مبدع ,, الله لا يعوقك
تحيتي
|