|
دلوعة ونص !!!
[align=center]
يا طفلة الورد .. ميلي كيف ما ودّك
هذا المسا لك .. تهادي في بساتينه
لو مال ( قدّك ) يقول : إنْ ماحدٍ ( قدّك )
باقول : ما مثل لا خوخه ولا تينه
كأن الاحلام مرسومة على خدّك
من حقق الحلم ! بشفاهه ويديّنه ؟
كنك سما .. والقمر لحدوده يشدّك
كلك عمر .. تكبرين وتاقف سنينه
في ( دانتيلك ) فضيحة لو تبي يدّك
تستر جنونه وهي ما تدري تدينه !!
فـ حدود ( جزره ) يضيق بنرفزة مدّك
كنك كبرتي عليه ! وطاح من عينه !
يا حلو مزحك إلى من خالطه جدك
فاللي تحبين واللي ما تحبينه
دلوعة ونص ! من هو يقدر يردك ؟
من تاخذين بــ يده يتبعك من حينه
واللي يبي منك كلمة ما سمع ردّك
علقتي ( الجيم ) في صمتك على ( سينه )
تتمنعين بـــ دلع ودك وما ودك
رحتي ونمتي .. وهو ذبلت بساتينه
[/align]
|