|
الشيخة !
مع وافر التحية والتقدير لكل من سأحظى به هنا :
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يابنت ياللي في جمالك يكتمل معنى الجمال = وياللي بذاتك كل الأوصاف الجميلة تكتمل
يا أجمل بنات الأرض شرق وغرب ويمين وشمال = ياشيخة الشيخات يابنت الأصالة والأصل
يا نور في وجه الصباح اللي تغشَّاه الخيال = يا عقد في جيد المسا لا حل والنور ارتحل
يا أعف من شعري قبل ما أهيم بالسحر الحلال = ياللي على خايع ظلوعي صيِّب إجلالك هطل
أجيك وأرحل عنك وأرجع لك وما قلتي تعال = من يوم والفتك وأنا شدادي على ظهر الجمل
ما حدَّني عنَّك من ظروفي دقاق ولا جلال = وأعوج دروبك لاحداني يمك الشوق اعتدل
صحيح أنا مالي مع أهلك لا عمام ولا خوال = لكن أنا وأهلك بحبك نعتبر مثل الأهل
اسمك ( مذكر ) وانتي ( أنثى ) واختصاراً للجدال = في الواقع أنتي ( بنت ) لكن بنت في حسبة ( رجل )
يابو ظبي ، يا أم الفخر ، يا شمس ، مدري ياظلال = يا ذروة المجد التليد ومهبط أسراب الأمل
يا جنَّة ما للعدا فيها مقام ولا مقال = من دونك تباع العمار ويسبق السيف العذل
وإن كان صرتي في عيون أعداك ( ريح ) وهم ( جبال ) = قولي لهم صار المثل : يا ريح ما صدَّك جبل
يكفيك زهو إنك ربيتي في كنف وافي الخصال = اللي كساك أبهى سباهينك ولبسك الحلل
زايد حكيم الأمة اللي صال بالحكمة وجال = وأمضى حياته في سبيل الوحدة ولم الشمل
لا جا مجاله كانت الحكمة هي الأقرب مثال = وإن جا مجال المجد كان اسمه هو الأقرب مثل
بنى ولكن ما بنى مجده على الجرف الهيال = هدم ولكن ما هدم غير التخلف والجهل
رحل ولكن ما رحل ذكره ، وعقب له عيال = دواهي ٍ من دونهم تقصر طماعات النذل
أنهار جود ٍ جارية لكن على هيئة رجال = الكايد المستعصي أمره عندهم يصبح سهل
تعلموا من زايد إن الجود ربح وراس مال = وإن الخسارة ناتجٍ حتمي لتكريس البخل
وإن الجزال إن كان مازادن على الهقوة هزال = وإن اليمين اللي تمد الهزل ما تجني جزل
وإن التواضع ماهو إلا ايمان صادق بالمآل = وإن التزمت مركب الساعي لتحقيق الفشل!
تعلموا منه الكثير ونالوا الصعب المنال = وصاروا لنشر رسالته ما بين خلق الله رسل
يقود ( سبع الجِنان السبع ) شيَّال الثقال = ربيع من يبست مواريفه على خد المحل
خليفة المنصى ليا ركب الرشا فوق المحال = اللي ليا وصلت لدوره ينتهي دور الجدل
يعج طيب المفخرة والعز لا جاله مجال = وكن اسمه ( العود ) ومجاله ( جمر ) سمرٍ يشتعل
طوّر وسوَّر دولته بالحب وأسقاها الزلال = حتى ارتوت حضارة ونهضة وعمران ونخل
وأعلى مكانتها بحزم وصدق مبدأ واعتدال = لين أصبحت دولة تغرَّد خارج أسراب الدول
لو بسرد خصاله نشف ريق القلم والسرد طال = لكن أبوجزها بجملة تختصر كل الجمل
المجد لامنه ورد ذكره على صيغة سؤال = فإجابته خليفة ابن زايد الشهم البطل
ويا سايق الفنجال من شيخة مباهير الدلال = ثنَّه لمن بأمجاده عيون المدايح تكتحل
محمد الفارق ليا عُدّوا كريمين السبال = اللي ليا من حل ذكره طاري الفاقة جفل
واللي ليا كبرت وقيل : الحمل مال ، الحمل مال = أرخى متن جوده وهو في علوَّه وشال الحمل
جوده فعل نابع من الأعماق ماهوب افتعال = كم عين كفكف دمعها جوده وكم جرح اندمل
اليا عطى ، كنَّه يقول الفال يقفاه العقال = فعايله في الجود محد ٍ قد فعلها من قبل
ما ينلحق في أدناه وإلا أقصاه ضرب من الخيال = غايات غيره من كبر غاياته أسباب وسبل
هم المعالي مرتسم في وجه السمح القبال = يقول من شافه : ومن حب المعالي ما قتل
أبمدحه ، وأمجده من فال طيب وطيب فال = وأنا لو إني بمدحه وأمجده مالي فضل
ويابو ظبي قبل ارتحل وأحوَّل الدرهم ريال = ودعتك اللي ما تضيع وداعته ، حتى الوصل
عهدٍ علي إني ما أبادرك الجفا بعد الوصال = مير اقبلي عذري على تقصيري إن كانه حصل
[/poem]
|