[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

اخترت درب الغياب .. وغبت كالعاده =وتركتني تحت وطأة ركني الهادي

اخلدك بين قرّاءه .. ورواده = واصيح باسمك على الاشهاد وانادي

ماهمني فيه ماجاني من اشاده = من حكي الالسن .. ومن تصفيق الايادي

يهمني فيه امد الجرح بضماده = واجمّل البوح بالالماس والكادي

ياحضرة السيدات .. وحضرة الساده = قولوله انه اسرني ..واوثق قيادي

انا بكامل قواي .. اقدم افاده = من غير شخصه حياتي طعمها عادي

لو مال قارون .. والاّ حصان طرواده = في قبضتي مالها قدره على اسعادي

سعادتي رهن اشارة شخص ٍ ابعاده = في وادي .. وكل خلق الله في وادي

ليت ابن زيدون قبل يحب ولاده = استنتج الحب من موتي وميلادي

هذا شعوري وانا اكفل صحّة اسناده = يمتع الناظرين .. ويرشد الغادي [/poem]