|
قصيده ترحيبيه في حفل زواج ياسر بن عطالله الاسعدي ...
للتواصل بالجديد لاغير :
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
براق الافراح لاح وجــاوبته الرعود = يامرحبـــــا ياهلا يامرحبـــــا ياهلا
بضيوفنا اهل الوفا ومعرّبين الجدود = ربعٍ حشام ومعارف واصدقا وازملا
وانا موكل من اهل النوب نسل الأسود = الاد شيخٍ ذراعه فاللزوم اخطلا
ذوي ضبيان من طلحه سلايل سعود = أساعده رجلهم مطنوخ ومكملا
في حفل ياسر عطالله جبت باقة ورود = والورد رمز الموده والوفا والغــــلا
شاعر ولي في منصات الجزاله وجود = وهبه وورثٍ من جدودي ماهي باولا
والحر يشهر ويرقا للمعــالي سنود =ولا كل رجلٍ لو يحاول يصل للعلا
تحتاج وقفة شجاعٍ عند قدح الزنود = صيته من فعول يمناه اشتهر واعتلا
وتحتاج شهمٍ يجود وفالمزايد يزود =والطيب عنوان ربعي بين كل الملا
مايجحد اهل المكارم غير رجلٍ جحود =ولا ياصل المجد قومٍ فاللزوم ابخلا
حنا عتيبه هل الوقفات سم الكبــــود = للمعتدين ومع الاصحاب سمن وحلا
رجالنا في زمان الفقر شهم و يجـــود= أول كـــــلام العتيبي مرحبـــــا ياهلا
اماذبح له طلي ولا نحر له قعـــــود =الضيف يلقى الذرابه و الشحم والغلا
عرافنا تفتل وتنقض صعيب العقود =ورجالنا يلطم العـــــايل نهـــــار البلا
واليا جهل فوقنا جــاهل جهلنا يـــزود =لازاد راع الجهل فوقه نصير اجهلا
واليــا نوينا نغير فالـــــــدير والحـــدود = سقنا الجمل لقبلانا والنهار اصطلا
على النقا مانهاب من العــــدا والحشود = كم شيخ دار ٍ بعد جيناه عنها جلا
ماهو بحب الخشوم ولا ارتخاي العضود =بالسيف وام المنايا والبلى والجلا
غصبا عن انف القوي نملا عيون الحسود = تاريخنا بالمكـــــاسب والفعول امتلا
وكل القبايل ونعم الطيب ماهو محدود = مايجهل افعولهم غيراجهلا وخبـــلا
تاريخهم مانسيته والاوادم شهود =لكني افخر بربعي بين كــــل المـــــلا
واليوم ننعم بخير وعز حكم السعود = من يوم وحد وطنا و الظلام انجلا
الهم علينا الوفا فايمـــــاننا والعهود =وحنا تحت رايهم شعب وخدم واعملا
نخدم وطنا وحنا دون حـــــــده جنـود = ونجدد البيعه لحكـــــامنا والــــولا
اعن الوطن والملك والدين واجب نذود = دستورنا كتاب ربٍ للنبي مرسلا
براق الافراح لاح وجــاوبته الرعود = يامرحبـــــا ياهلا يامرحبـــــا ياهلا
بضيوفنا اهل الوفا ومعرّبين الجدود =ربعٍ حشام ومعارف واصدقا وازملا [/poem]
يامتعب ركاب الاماني على ماش = انته وانا والامنيات انتصفنا !
نطرد ورى حظٍ مقفي ومنحاش= وحالت مقادير الزمن عن هدفنا !
al_3ali@hotmail.com
|