منتديات المرقاب الأدبية - عرض مشاركة واحدة

04-07-2003, 06:43 PM

المشاركة الأصلية كتبت بواسطة

كاتب الرسالة الأصلية ســـلطان
تواجدي اعطاني الشهره الاضافيه

^

^.

^ قل والله teeth خخخخخخخخخخخخخخخخ الا تواجدك والا خلها لامن قضينا

من العمره علمتك

عموما استلم استلم وجاوب والله لو ماتجاوب لارجع مره ثانيه واسأل

سوعال واحد /

علّمنا بقصة تسجيلك في ارامكو ؟

سوعال اثنين /

اذا تمت الرحله ووافق راعي المغاتير ورحنا على سيارته هو من اللي بيركب

قدام ؟

سوعال ثلاثه /

احرج موقف مر عليك وورطت وماعرفت تدبر عمرك؟

<------------ ترى له قصد من هالسؤال مدري عاد انت تفهمه ولالا

لي عوطه
اهلين سولطان

اجابة سؤال واحد:
اغبى سؤال مر علي في حياتي,, ياخي انا الوحيد اللي مسجل في ارامكو؟؟؟ ارامكو فيها 40,000 موظف سعودي تقريباً,, و بعدين تسجيلي و الله كان بالصدفه و لا كنت ابيها لاني كنت موظف حكومه اصلاً في الرياض
و كنا نتمشى انا و اثنين من اخوياي في شارع التخصصي ,, الا هذا مكتب التوظيف على اليمين,, قلت خلونا نمر عليه,, مرينا عليه قال بكره تجون و الشروط هذي هي معلقه على الجدار,, المهم الشروط ثانوي و ملف اخضر علاقي و بطاقة احوال و مثل ما انت خابر ... جيت من بكره محضرها,, قدمت قالوا تعال للاختبار بعد اسبوعين تقدمت و انا مالي و الله شف فيها,, بس ابي اسوي زحمه للثانين,, تقدمت للاختبار مع مجموعه تقارب 300 شخص طلعت ناجح,, تقدمنا لاختبار المهارات بعد اسبوعين طلعت ناجح و صفينا على 200 و بعدها تقدمنا للفحص الطبي طلعت ناجح,, صفينا على 180 بعدها تقدمت للمقابله الشخصيه طلعت ناجح صفينا على 150 شخص,, بعد اسبوعين عطوني التذكره للظهران على حساب الشركه,, رحت هناك ثم ودوني للعضيليه على طول,, يعني و الله لو اني ابيها و جايب واسطات الدنيا ما انجح,, بس عشاني ما ابيها و لا افكر فيها قامت تدربى قدامي الفرص الين حطوني موظف,, بعدها قدمت استقالتي من العمل الحكومي,, يعني كلها بالصدفه و بدون تعب و بدون تخطيط حتى ابوي ما درى الا انا اقول له تراني صفيت حقوقي من الوظيفه الحكوميه و عطوني حقوقي 14,000 ريال و تراني سجلت في ارامكو,, قال الله يوفقك... و هذي هي السالفه,, بس عاد اللي صار في الظهران قبل اروح للعضيليه ما راح اقوله,, انت شكل عندك علم ,, ما سألت الا خابرٍ لك خبر,, هههههههههه

اجابة السؤال الثاني:

اكيد نبي نسوي قرعه ,, و الا كل خمسمية كيلو واحد منا يركب قدام.. ما يبي لها خخخخخخخخخخخخخخ

اجابة السؤال الثالث:
كيف الحال طال عمرك, هههههههههههههههههههههههه
المواقف كثيره و اللي انت تبي تسأل عنه ما راح اجاوب عليه هههههههههههههههههههه
و ترا ما لك فرصه ثانيه خلاص سألت ما عاد لك احقيه تسأل مره ثانيه,,
ههههههههههههههه