**


**

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]


سديم من غابة احزاني ليا غابت = وانوار من فلقة أفراحي ليا ظلّت
ريمية سمعت الرّماي وارتابت = توحّشت مِن وجس قناص وانسلّت
في قربها والفرح في حاجري نابت = وفي بعدها العين بقنوف الجزع هلّت
نفسي لها طايبة وبنفسها طابت = تصبر على زلّتي وأصبر ليا زلّت
ما همنا الناس وش قالت ووش جابت = ليّ مشرع عندها وفصدري احتلّت
عمق الصدارة لها متمركزٍ ثابت = تزهر رياحين صدري كل ما طلّت
لو قالت الناس عنّا قول واغتابت = ندري بسود الصدور اللي بنا ضلّت
سود المفارق على تفريقنا شابت = ماتوا عطش بالقهر و أرواحنا ابتلّت
خابت مساعِ الحسود وسيرته خابت = أهل الحسد خايبة في وين ماحَلّت
كنّ العواذل لنا ؛ امنين ماعابت = تهدي لنا وصل فيه قلوبنا فلّت
قولوا لحسادنا لو مابنا تابت = قصتهم الشايكة بتموت ماحلِّت
قلبي على ذكرها متبستنٍ رابت = وذكري ليا سمعته حيّت به وهلّت
لاضيعت مَن سواها الحق وأنعابت= ماضيعت من دروب الحق وأندلّت
معذور أحزن عليها كُل ماغابت = هاذي ومن مثلها خُسران لا ولّت



[/poem]

**


**

م.س.

حسابي في تويتر
http://twitter.com/#!/Alsalem15