إلى عبدالرحمن حمد العتيبي
من موضوع سنجار اللي في العام
يابو حمـد خـل امنياتـك جميلـه
(( الفقري )) اغلا مالديه (( امنياته ))
اللي يعانـي مثلنـا ؟ عزتـي لـه
(( حياته )) اكبر مشكله في (( حياته ))
لكـن تكفّيـك العلـوم الجليـلـه
((وانت بدوي ٍ راس ماله عصاتـه))
حتى لو ان مامعك جيـب ٍ مثيلـه
معك اللي اطيب منّه ومن صفاتـه
فقيـر لكـن يـدك ماهـي بخيلـه
والطيب في وجهك تبيّـن سماتـه
به رجل مثلك فيـه تفخـر قبيلـه
وبه رجل مايفخـر بفعلـه بناتـه
حتى لو فلوسـه بـوزن التريلـه
فقيـر نفـس ولاتفيـده غنـاتـه
والجيب ذا ماهوب غايه .. وسيلـه
ماهوب من زينه ولا مـن حلاتـه
