ادري وتـدري ضيقتـي مـا للهمـوم الا الـورق
بنثر علـى سطـره جنـون افكـاري المتضاربـه
ان جيت اسولف بالحكي في غبـة اسئلتـي غـرق
ليـت الكـلام الحـر زهّـب للمعـانـي قـاربـه
لو الحزن يحكـي لنـا عـن ليلـة اصحـاب الارق
كان الزمن وقّـف علـى شـان الحـزن عقاربـه
قد لي ثلاث سنيـن والحلـم المعتّـق مـا مـرق
عثـرة معادينـه تـهـدد خطـوتـه و تحـاربـه
باقي على جمر الزعـل مـن حـر مابـه يحتـرق
ليـه الليـال الماضيـه مــا حقـقـت مـآربـه
يا كيـف ابقطـع دابـر الحقـد المسكّـر للطـرق
مـا دام حاسـدنـي يـسـدد للهدف و يقـاربـه
اجرح و سيّل دمعتي , ذنبـك عـن العالـم فـرق
ياللـي علـى درب الخطايـا غـرتـه تجـاربـه
طفّيت نجم البارحه مـن عقـب مـا ضـوّه بـرق
واصبحت تنشد في نفاق .. [ البارحه من جار به ؟ ]
ناسي ظلامك كيـف عمّـه ليـن بالعانـي سـرق
نـوره و سلطانـه و قـدرٍ بالخفـا محتـار بــه
باكر يجيك العلـم عـن عـزمٍ علـى النيّـه زرق
مـن بيـن فكّيـن التخـاذل والعنـا و آقـاربـه
ماني على النفس العزيزه ألطف امـن اول و ارق ,
ان كان ما نسّيتهـا ظلـم احتمـل مـا صـار بـه
يـا مدوّريـن ام الحقيقـه عنـد قطـاع الـطـرق
الحـق ضـاع بعرفـهـم وتشـتـت مضـاربـه
ما جيت اطالب بـه وهـو بيـن الزوايـا منـدرق
خلّـه عسـاه يغيّـر طبـوع النفـوس الخـاربـه
جيت وعلى صبري علم مـن بـادي الدنيـا شـرق
جيـت وعميـق الجـرح يـزرا بالظـلال الهاربـه
بآروح لا شفـت (المكـان العالـي) بيـدّه طـرق
بيبان ( سقها ) و ( استريح ) و ( كدرِّو مشاربـه )
بـآروح لـو درب العلـوم الصايبـه مـا ينطـرق
مـن نـاس جرّتهـا تحـدد مستـوى مسـاربـه
اروح اقـول لضيقتـي مـا للهمـوم الا الــورق
وانثر علـى سطـره جنـون افكـاري المتضاربـه
قصيدة تعانق مشاعر الشجعان
دارين
مررت هنا لاصفق بحراره لهذا النزف الصادق
تبقين مابقي الشعر
اختك ملاك