وآآثلم كبدي وآآشماتـة نهايتـي
غافل وروحي بار فيها عميلهـا
هذا بلا ابووكـ ياعبدالرحمن
*************
وآآعيني اللي ما تكفكف هميلها
وآآروحي اللي صبرها ما يشيلها
زايمت نفسي لين كبرت مواجعي
هـمٍ يراجفهـا وهـمٍ يخيلهـا
وأرهيت لين الحزن شرّع مفارصَه
واستاق روحي لين قصّر طويلهـا
يرهي مضاريبه ويسرد خناجـره
ودفعات بطشه مثل الافعى شليلها
تنَازعت روحي وروحي ملاعَهـا
من فقد نوف وكسرتي من رحيلها
بطشة مقاديرٍ اتداحم على النحر
والنفس مافيها رخا من حصيلهـا
وادعتها والدمع تحـرق مرارتـه
روحي بعدها وين تلقى خليلهـا
وادعتها والجمره اضحى لهيبهـا
بأصخف عروقي كل جايد قبيلها
وادعتها والليل سبّـل مكانفـه
والموحشه تقبل وترقص بذيلهـا
وادعتها ما آجود باللي وناستـي
في مفرق اوجنْها وذعذاع نيلهـا
لكنْ غصب وغيّب الله معونتـي
واستجفلت خيلي وقادت بخيلها
تواقدت ريداي من قو بطشهـا
وفزوع من سندّت سيقت بحيلها
تنقض مفاتيلي وتجَـزر بفقدهـا
وآآآحاه من شبتْ عليّه بويلهـا
وآآثلم كبدي وآآشماتـة نهايتـي
غافل وروحي بار فيها عميلهـا
مالومها واللي فطرها بضامـري
ودروبها غربه ولا آآرشد دليلهـا
الله ولا حبٍ على الموت جرْتـه
والله ولا دنياً هلاكـي سبيلهـا
شعررر
بحررر
ابداااااااع
امتااااااااع
ادهاااااااش
يامال العافيه
ياالسمين
لعلكـ
تبطي حي
****************
|