[poem=font="Simplified Arabic,5,purple,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ليه السؤال اللي جوابه فيه من نفس السؤال=مايستريح ودونـه ضلوعي تسـن اقلامهـا
دام العمانيـّه ذلولـي صابهـا منـي جفـال=وبْعد أزْهدت في كل شي وطوّحت بخطامهـا
ياربي انك لاتجازي كل مـن ذم الوصـال=وكل من جاها ووصاها بقطـع ارحامهـا
من يوم قفيت (وخفوقي في رجا كلمـة تعـال)=شفت الزمان اللي بهتنـي ضامنـي ماضامهـا
قولوا لصاحبْت الحسن وام الدلـع وام الـدلال=لاعاد تغلي في بضاعتها علـى سوامهـا
إي والله اني ماهقيت الجرح يابنت الحـلال=ولا هقيت اني أعيش المعضله وأوهامهـا
اقفت وساعتها عرفت ان الكرامه راس مال=ورمحها بيـن الضلـوع وفالهـا قدامهـا
راحت وبالي مايفارقه التمني والخيـال=واليا غفت عيني هجدها طيفها وأحلامهـا
ياوجد حالي كل مالديت فـي ذاك المقـال=يا وجدي حالي وجد تينتها علـى شمامهـا
والضيقه أللي مع خياله كل ماجاله مجال=اليا بغيت اردها قامـت تـرز اعلامهـا
وياخافقي لاعاد ترجي من جهتهـا أتصـال=ان كان ماجت من هواها لاتـدق ارقامهـا
دام الوجيه طوال والغربه مساريهـا طـوال=والله لــموت وعزّتي ماقد جرحـت صيامهـا
مير النهايه ياوسيع البـال ياسمـح القبـال=انت البداية بالقصيدة وانت مسك ختامهـا
بقولك اجرح وجرحي منك ياعمي حلال=ايه أجرح أجرح دونك ضلوعي تسـن أقلامهـا[/poem]
|