[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الجادل اللي تهتوي نظـم القوافـي والقصيـد=غنّت على المسحوب والدنيا على مسحوبهـا
مجمولتن تبغى الحياة ورمّعة الحـظ السعيـد=وتسيل دمعتها حزن أليـا ذكـرت محبوبهـا
تعيش ليلتها حـزن وتصبّـر القلـب البليـد=وأليا أنقضى ليل العنا راحت تحسْب ذنوبهـا
وكل ما أتعبها الحزن ودموعها صارت تزيـد=لو أنها تقوى الصبر ما كـان شقـت ثوبهـا
تقول وجدي وجد من غنّت على خضر الجريد=وياوجد حالي وجدها يـوم العـرب قفوبهـا
زرعتها في داخلي وأستوطنت وسط الوريـد=هنيتهـا بأسلوبهـا حتـى عشقـت أسلوبهـا
في خدها كلمة هلا وفي عينها شي(ن) فريـد=والناس من كلمة هلا تقْـدر تخطْـف قلوبهـا
وفيها جمال(ن) يجّعلك تقفي من الدنيا زهيـد=كنّك تناضر للقمر / والشمس وقت غروبهـا
أتلى رسايلها لعادل وسـط صنـدوق البريـد=غابت وغاب أللي حضر معها ومع مندوبهـا
لـو قيدتنـي بالغـلا مـا قيدتنـي بالحديـد=وأن كان عيبي قيدها انـا عشقـت عيوبهـا
من بعدها عايش لحالي وسط هالعالم وحيـد=كني لحالـي بيـن سكـان البلـد وشعوبهـا
وترى المحبة جرحها لو طاب لا يمكن يبيـد=من هازها لازم يضيع ولـو يـدل دروبهـا
بالله منهـو بالمحبـه ياجمـاعـة مستفـيـد=من المحبـة كـل خلـق الله تحـك جنوبهـا [/poem]
|