ميثاء

يـا حنيّنـه دوّري محـبـوب
غيـري .. و محتـاج حنيّـه
/

مانيب أنا العاشـق المطلـوب
حتـى تصبيّنـهـا فـيّـه !
/

رجال ناشف .. وصلف أسلوب
ولا أعتـرف بالرومانسـيّـه
/

قلبي مخضرم وفيـه عيـوب
ينبـض بسرعـه جنونـيّـه
/

يركض ورا حقّـه المسلـوب
اللـي خــذوه الحرامـيّـه
/

صارحتك ولـو علـيّ ذنـوب
ضميري الحـيّ .. يـا حيّـه
/

كسرت عين وجبـرت قلـوب
وحصـدت حـبّ وكراهـيّـه
/

شاعر ما عمري نفضت الثوب
علـى القـنـاه الفضائـيّـه
/

حسّاس من كل ّ حدب وصوب
وأصرف عـلاج الحساسيّـه
/

لاجيت أغنيّ على المسحـوب
ضاقـت عـلـيّ الهجينـيّـه
/

أميـل للشاعـر المـوهـوب
و دوافعـي غيـر شخصيّـه
/

و أن شفت بحر القصيد يروب
و تخـضّ مـاه العليمـيّـه
/

يكفيني من الهجوس العـوب
قصـيـدة ٍ نـارهـا حـيّـه
/

منها وفيها الغـلا مصبـوب
نـاتـج محـبّـه حقيقـيّـه
/

روحـي لديوانـي المكتـوب
وأقري قصيدة ( عتيبيّـه ) !!

سداح!