منتديات المرقاب الأدبية - عرض مشاركة واحدة

22-08-2009, 01:44 PM

الله الله الله الله الله الله

يا سلام يا سلام

هذي يالمسري تقرى بتنسيق ولا بدون تنسيق مقريه مقريه لان صاحبها شاعر لا غبار عليه

ولا شكر على واجب

علـى الله توكـل ياضميـري وفـك البـاب
بعد ما صفى جـو القصيـد وكفـخ طيـري
وأنا والله ان قـد لـي ليالـي وانـا مرتـاب
مـن الشعـر وبحـور الشعـر والبوابيـري

والله مطلع ومبدا كااااايف وغييير يالمسرّي

لولا مبدعين الشعـر فـي منتـدى المرقـاب
أمداني طويت رشـاي عـن جمـة البيـري
زحول القصيـد اللـي يلـذّ لأولـي الألبـاب
تعـرف المواريـد وتعـرف المصـاديـري
عليهم مـن ثيـاب الـولا والجميـل ثيـاب
مثل مـا افقدونـي وافقـدوا زحّـلٍ غيـري
مشاغـل وصيفيـه وبعـضٍ مـن الأسبـاب
مـا يذكـر ولكـن جعلهـا خيـره وخيـري
ولو كان أغيب ادري إن نور القمر ما غـاب
لا يـزال فالمرقـاب غـيـري شواعـيـري
رموزٍ لهم بصمة حضور , وغـلا وإعجـاب
مشاعـر جماهيـر ازمـلاي وجماهـيـري

الله الله يالمسرّي ويا سلام على صفاء قلبك ونقاءه وحبه للمرقاب ولاخوانك اللي فيه

أسجل بكشف حْضور من بعد كشـف غيـاب
وأقـدم عـن غيابـي سمـان المعـاذيـري
وأغنّي وأجـر الصـوت فالمرقـب الجـذاب
وبعيـد المـدى دونـه طـوال المشاويـري

حي هالحضور والقصيد الجزل والله

هذا والظروف أصنـاف وأمـر الله الغـلاب
نريـد ويريـد الله وتمـضـي المقـاديـري
بلشنـا فمـا عشنـا بـودّى فـلان وجـاب
علـى الله وبالله ندهـن السيـر ويسـيـري
في الأعراب من : (ما له محلٍ من الإعـراب)
ولو كان مـن ضمـن النجـوم المشاهيـري
وأنا أشفق بعض الأحيان على بعض الأصحاب
لهـو حامـلٍ مسـك ولهـو نافـخٍ كـيـري
ليـا هندبـوا هنـداب هنـدب لهـم هنـداب
ولا جـرّوا المجـرور جــر المجـاريـري
أمورٍ بدون حسـاب وأمـور بألـف حسـاب
حسـب معتقـداتـي وظـنـي وتفكـيـري
تعلمـت فالدنيـا مـن البـاب لا المـحـراب
وهـذي مسانـيـدي وهــذي محـاديـري
أوثق يـدي فـي عـروة المعطـي الوهـاب
هو اللـي لـه إسلامـي ونُسكـي وتكبيـري
الإحسـاس والمرقـاب والحـب والأحـبـاب
هـي أشـد حوافـز قصـيـدي وتعبـيـري
فعلـى منتـدى المرقـاب ومعـدي المرقـاب
تحيـاتـي وودي وشـكـري وتـقـديـري

اتعبتنا يا شيخ ...

صح لسانك صح لسانك صح لسانك

والله انها كااااايف ورااااااااااائعه

وتراي انتظر الايام هذي قصيده انسقها لك جديده

لك كل الود والتقدير والمتااااااااااااااااابعه