مساكم الله بالخير
مبارك عليك الشهر
اتمنى ان تحوز على اعجابكم
يامل قلب ن بيـح الوقـت خافيـه
تقـول غـار ن عاويـات ن ذيابـه
اليا بغا المرقـاد قامـت تقزيـه
هواجـس ن كنهـا هطـول السحابـه
الوقت مقبـل لـه بشـره وقافيـه
فرقـا الحبيـب ولوعتـه واغترابـه
اللـي يفزالقلـب لسمـه وطاريـه
واللـي خـذا قلبـي غـلاه وغدابـه
اقفـا وعـنـي بعـدوبـه اهالـيـه
اتلا العهد به في ربيـع اللهابـه
قولوله اليا غاب مانـي بناسيـه
ياجعـل ينسـاه المـرض والكـابـه
وقولوله اني اعشقه عشق واغليـه
واهيم بـه وامـوت بـه واحيابـه
وقولوله انه لـو تزايـد تغليـه
لا اغليه لين العقل يفقـد صوابـه
وقولوله اني ماتوحى العرب فيـه
لو عذربـوه النـاس مانيـب أبـه
هو نبض قلبي وهو حياته وامانيـه
والداء منـه والتعـب والدوابـه
وقولوله اني بعـت غيـره وشاريـه
وقولوله ان الكون فـدوة ترابـه
مافيه زيـن ن بالعـذارى يحاليـه
وغيره جميـع البيـض عنـدي تشابـه
وقولوله اني لاظلم الليل ساريـه
ولادري الا واقـف ن عـنـد بـابـه
وقولوله اني اشتقت اسمع حزاويـه
واشتقـت حتـى لاضحكتـه ولعتـابـه
وقولوله انه جارح القلب بيديـه
جرح ن ماينفع بـه عـلاج وطبابـه
جرح الغياب اللي فرى قلب راعيه
كل ماسلينـا صالـي الشـوق جابـه
ماهـوب يرضينـي ولاهــوب مرضـيـه
لاشـك بـان الصيـف سبـة غيـابـه
قولوله اليا ضاق ياعـل مابكيـه
يبشـر لـه برجـال يحشـم جنـابـه
وقولوله ان القلب يبست عراويـه
لا يحمل القلب الشقـي فـوق مابـه
خلـه يحاسـب نفسـه بـمـا يسـويـه
قـدام يلقـى عنـد ربـي حسـابـه
ان كـان جانـي ياعسـى الله يحييـه
جعل ابرك الايام يوم ن لفـا بـه
حتى الوطن من غاب ! في عين مغليـه
ولله مايـسـوى جـنـاح الـذبـابـه