الشعر .! بعض احيان ماهوب نوماس
ومعارفـه مـا تنحـمـد عاقبتـهـا
دنياي بعد رضاك يـا خالـق النـاس
خـوة مطاليـق الوجيـه اثمرتـهـا
صريـح واقـوس الاوادم بمقـيـاس
بأخلاقهـا . وأفعالهـا . والسنتـهـا
وان شفت راس .! لسالفه مالها راس
مانيـب مخطـي لا مصعـت ارقبتهـا
يمناي .. لا جا (الحق) ما بين الاقواس
عين امسحت ماهـا وعيـن الطمتهـا
هرج القفا ماهوب مع طيّـب السـاس
معلومـةٍ كـل الـعـرب خابرتـهـا
عاده مع حلوق الضعافـا والانجـاس
والمشكله .؟ مـا تنعـرف مشكلتهـا
والله ان شعرك نوماس
يابو مناحي
بيض الله وجهك
وصح لسانك
|