لعيونك يامشعان
نجيب الاسئله والاجوبه ..
انت بس [ تدلل ] 
-------------------------
----------------
-----------
--------
------
---
-
ضابط خفر [ بدر العتيبي ]
المشاركة الأصلية كتبت بواسطة ضابط خفر
فـ البدايه مرحبا بالجميع مره ثانيه وثالثه
وإستلم يا المنتحل سؤالين على ما أعاون عفاس على سمبوسته اللي عنده
في البدايه اعطنا صيغة ( تعريف ) لا ( ننكرك ) بعدها ؟
- أنت شاعر بارز في ( النظم ) منطوي في ( المحاورة ) على مستوى المرقاب ماسر هذا التناقض ؟
المنتحل [ عبدالرحمن حمد العتيبي ]
المشاركة الأصلية كتبت بواسطة المنتحل
-التعريف ناصر مناحي وهذا كافي
-النظم والمحاورة بصراحه انا اجد نفسي فالنظم , وطبيعي ان الانسان يبدع في الشي اللي يجد نفسه فيه
لانه لو راح لمكان مايجد نفسه فيه راح يتوه وأذا تاه راح يفقد هويته وأذا فقد هويته ماراح نتعرف عليه , أخلصك المحاورة احس انه فن عرابجه وأنا محب العنف في الشعر 
ضابط خفر [ بدر العتيبي ]
المشاركة الأصلية كتبت بواسطة ضابط خفر
كرهك لـ العنف بتسبب لك في أسأله ماهي من صالحك مير خلّك جلف أزين لك
وانت شاعر مبدع وتمتلك صوت شجي - ما شاء الله - ، نسمع عن شيلات ناصر مناحي ؟ لكنها تبقى حصريه لـ المقربين ، لماذا ؟ ومتى سـ تتاح لنا الفرصه بـ سماعها ؟
- ركنك الهادي فتحته ثم سكرته ليه سكرته ؟
المنتحل [ عبدالرحمن حمد العتيبي ]
المشاركة الأصلية كتبت بواسطة المنتحل
رجاء أخ ضابط خفر مالك علاقه بشخصيتي انا بطبعي اكره العنف
-الشيلات انا بصراحه ماعندي جرأه اقدمها للناس وماحب اني اتصنف شيال انا شاعر وبس ومابي تصنيف ثاني
-ركني الهادي فتحته ومحتاج ترميمات ربما اني سوف اعود له مره اخرى والا أتبرع به عشان يقام فيه مستشفى لعلاج الحالات التي قد تمرض بالاركان الاخرى 
ضابط خفر [ بدر العتيبي ]
المشاركة الأصلية كتبت بواسطة ضابط خفر
لـ العلم يا المنتحل : مزحك مع الاعضاء يثبت لي إن حالتك حاله
فـ حاول إنك تريّح زر [ الإقتباس ] وتطقطق أصابعك لين تجيك الاساله بدال لا تضغطها فالكيبورد
والساحة الشعبية مارأيك فيها ؟
- مالفرق بين الجمل والجبل ؟
المنتحل [ عبدالرحمن حمد العتيبي ]
المشاركة الأصلية كتبت بواسطة المنتحل
طيب ما اقدر اقول لك شي سعادة الضابط
-الساحة الشعبيه مثل استراحة العزاب كل اللي فيها يلعنون العزوبية لكنهم مايتركونها ويدفعون قطتها أول بأول ,ولو تزوجوا هربوا وراحوا لها
-الجمل والجبل مافيه فرق كلهم كلمه وحده هي الجمل ,بس الفرق ان الاولى نطقها متعافي والثانيه نطقها مزكوم
ضابط خفر [ بدر العتيبي ]
المشاركة الأصلية كتبت بواسطة ضابط خفر
الوعد قدام لا ترجع ورا يا المنتحل
_رغم وسامتك الطاغيه الا اننا لم نشاهد لك صوره في المرقاب , ماسر حرمانك للمرقاب من صورتك ؟
_ناصر مناحي , سعد الموقي , محمد المسعري عيال رجال واحد لكنكم تنشرون بأسماء مختلفه مالسبب ؟
المنتحل [ عبدالرحمن حمد العتيبي ]
المشاركة الأصلية كتبت بواسطة المنتحل
لا لاتخاف ولد عمك ريال ماعليه شنو ارجع ورا ,انا فاصل الريوس وفاصل اعلاني <<<< ضحكوا والي يرحم والديكم
-وسامتي الشكليه تخصني ومو ضروري اقدمها لاني مو في مسابقة ملوك الجمال انا جاي بوسامتي الشعريه وأظن هذا كافي يخليك باجر تصور معاي
-انا وايا اخواني صج سجلنا بالسايت باسماء مختلفه لاننا اتفقنا ندخل من ابواب متفرقه خوف من الحسد ,وأنت الله يهديك جيت وكشفت السالفه
ضابط خفر [ بدر العتيبي ]
المشاركة الأصلية كتبت بواسطة ضابط خفر
إستلم قبل لا تُستلم
- في النسخة الثالثه لشاعر المليون تقدمت للجنته وأثنوا عليك اعضائها ثناء كبير وأحتفوا بك , لكنهم لم يختاروك
وراهم ما اختاروك جتني في الكرسي العنابي ؟
- هذه الاشياء بماذا توحي لك :
قصيدة نسائيه :
الفيس بوك :
قناة شعبية :
ها الحين يا أبو مناحي تعرّف على الرجال وعطه سؤالين متعوب عليها يمكن تصيده
المنتحل [ عبدالرحمن حمد العتيبي ]
المشاركة الأصلية كتبت بواسطة المنتحل
ابشر وحياك سعادة الضابط
-في شاعر المليون اشادوا فيني ولاقصروا لكنهم اصرفوا النظر عني لأنهم دروا ان جوالي استقبال
- هذه الاشياء بماذا توحي لك :
قصيدة نسائيه :غرشة عطر مغلقه ,تشوفها بس ماتحس فيها
الفيس بوك :جدران الحاره
قناة شعبية :مجلس بعد ماطلعوا الشيبان
سؤالين [ ناصر مناحي ]
المشاركة الأصلية كتبت بواسطة ناصر مناحي
سؤاليني للمنتحل
1 - وش سبب تغيّر اسلوبك في انتحال شخصيتي تغيّر كلي .
2 - تشوف انك جاوبت الاجوبه اللي صدق لو كنت مكانك كان جاوبتها انا .
وشكراً لك يا ضابط خفر على اتاحة هالفرصه
المنتحل [ عبدالرحمن حمد العتيبي ]
المشاركة الأصلية كتبت بواسطة المنتحل
انا ناصر مناحي انت منو ؟
:
المشاركة الأصلية كتبت بواسطة المنتحل
لازم اعترف .. !!
أنبني ضميري .. تعبت من (( الأنكار )) .. أنا
عبدالرحمن حمد
ضابط خفر [ بدر العتيبي ]
المشاركة الأصلية كتبت بواسطة ضابط خفر
الله لا يهينكم على الحضور والمتابعه المشرّفه
وبكره موعدكم نفس الحزه مع [ المسرّي ]
ضابط خفر : بدر العتيبي
-------------------------
----------------
-----------
--------
------
---
-
باقي شيء؟؟؟؟
<< يفرّتس [ أوصيبعاته ] 
؛