[poem=font="Traditional Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
حاسبت نفسي وضاقت بي وساع الرحاب = كثرت خطاياي مدري كيف ابا اقلّها !
جاهرت بـ .. ذنوبي اللي كنهّن الهضاب = وقصّرت في واجبات ٍ كنت فاطن لها
تبعت درب الخطاء وآخطيت درب الصواب = اتبع هوى نفسي اللي غيّ ارضاً لها
يالله .. وانت المجيب اللي مادونك حجاب = تقدر تعز النفوس .. وتقدر تذلّها
يامحيي الارض بأمرك من حقوق السحاب = اعوذ بك .. من ذنوب ٍ عاتقي ملّها
واعوذ من دعوة ٍ تدعى ولا تستجاب = ومن كلمة ٍ مادريت ابها وانا ازلّها[/poem]




[poem=font="Traditional Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
كم واحد ٍ يطرد آمال ٍ سوات السراب = شي ٍ يبي ياصله وأشياءً ماياصلّها
يجمع حطام ٍ .. مصيره للفنا والذهاب = ومن الطمع عنده ان الارض يحتلّها
اغرته بنت الهوى والقلب الاقشر شباب = وانساق معها وهي ما احد ٍ خليلٍ لها
ماحث رجله على درب الاجر والثواب = اسحرته المغريات وصار .. عبد ٍلها
في غفلته كم رقد واصبح وودّا وجاب = اظله ابليس .. مع ناس ٍ قد اظلها
يشعب ركابه مع اللي يشعبون الركاب = نسى ان الايام شجره زايل ٍ ظلها
لابد من ساعة ٍ مابعدها الا المآب = الله ما يهمل عباده .. اليا امهلّها[/poem]



[poem=font="Traditional Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
منشى البنادم تراب .. ومرجعه لـ ..التراب = والروح أمانه على من هو وديع ٍ لها
اليوم صفحه .. وعمر المودماني كتاب = مدوّن ٍ فيه .. دق اعماله وجلها
ماضايع ٍ منه حاجه .. في نهار الحساب = كل ٍ يبي يشوف مافي صفحته / كلها[/poem]

:
:

غريب .. !!


الشعور بـ (( الغربه )) مؤلم ..
وغربة المشاعر مؤلمه حد الفتكـ ..
الغربه عن الوطن تجعل لديك عزاء أنك بعيد ..
وقد تعود يوماً ..
لكن عندما تشعر بالغربه وأنت في وطنك ..
بين ناسك .. فأنك سوف تطحن على مدار الساعة ..
لأن شعورهم بك معدوم ..
تحضر في اعينهم عابراً .. وترحل عابراً ..
كبقية الأشياء (( الهامشية )) ..
ولو كان لديهم قدرة أغماض اعينهم عنك لأغمضوها ..
تأتي بلا أثر .. وتذهب بلا تأثير .. !!
أنت موجود بينهم ..
لكنك لست معهم ..
لأنك أول من ينسى ..
وأخر من يسأل عنه ..
وهذه أقسى مشاعر الغربه ..
مشاعر حارقه تلك المشاعر ..
وكيف لاتكون حارقه .. ؟؟ وهي لاتكوي (( الا قلبكـ )) .. !!
وجدت عزاك عن هذه الغربه ..
أن تكتب أثرها على الورق ..
أن تكتبه نثراً .. أن تكتبه شعراً ..
حتى تحوي صفحات أوراقك شي من (( أدبك )) ..
الذي قد يقرأه يوماً بتمعن كل من عاش غربتك ..
لتوقن بالسر الأخر والحقيقي للمثل القائل :


يا .. غريب كن (( أديب )) .. !!