[ALIGN=CENTER]يالربع ...شوفو لنا حل مع الهذياان ... لكن الهذيان اللي بتلقونه حدرى من اسبااب نومة الهفوه وتوبه من نومة الهفووه

اقول شوفو نتايج نومة الهفووه ...وانتبهو منهااا[/ALIGN]


[poet font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
بسم الله مبداها بسم الله=بسم الهادي تبرى العلّه
من حط اسم الله مبداله=زان الباقي من مبداها
وبكيفي جات السولافه=والخاطر ماشي طافه
اكتبها بعنايه وعرافه=ثمّنها ياللي تقراها
الدنيا دارت والتفت=دورتها تسرع ماخفت
للصالح والطالح صفت=يالله عفوك من بلواها
تمشي بي مره في كيفي=وتقول اهلابك ياضيفي
واستانس واسلم سيفي=فرحان بطيبة ملفاها
وبعد الضحكه والترحيبه=ورتني النيبان الذيبه
وقالت لي واجبك مصيبه=واحزان وضيقه تقفاها
قلت الله مسرع تغييرك=من تقديمك في تاخيرك
في لحظه جاني تدميرك=نفعك واضرارك مبغاها
ماعني وعنّك ردت لي=وان تقواني فانقض فتلي
قلت انتي مطلوبك قتلي=وقامت تضحك باملى فاها
ومن دوامه في دوامه=بعت ومن ضمن السوامه!
مايفهمها الا علاّمه=سومة بايع وش معناها؟
ومن طافت منه المرموزه=وادري بالهرجه ملغوزه
لغز وبعطي بعض رموزه=لللي ضيعها وعداها
انا البايع لكن سايم=مره وحده ماهو دايم
سومة صاحي بيعة نايم=بانت ظني نصف اجزاها
ومن طافت منه يجنبني=يبعد عني لا يعذبني
راحت روّح لا تغلبني=كلمه والشاعر سرّاها
وان تبغى البلشه والنحله=وسباحه بمياه ضحله
راجعني في نص الرحله=ومن جاب الحمله ودّاها
ضعت ومدري عن مااضوعي=مدري وش كوعي من بوعي
يمكن قرّبت الممنوعي=والسبه من كان اخطاها
لكن حظي في جمهوري=ماقالو شاعر مغموري
يطربهم بدعي وحضوري= اجواد وتستر ماجاها
وزان المسرى يهل المسرى=والما عوّد وسط المجرى
ركز ركز ياللي تقرا=راعي العازه من قاصاها
العلم الثاني ياقاري=ياللي في طرقتنا ساري
ان جاز الك اول مشواري=فالرحله كمّل ممشاها
لان المنصى سيله وارد=والطارد مالحق الشارد
والمارد جابعده مارد=اخذ الرايه من يحماها
عقب الدنيا وضيافتها=شوفتها عيني عافتها
ونفسي ماوالله خافتها=لو تبغى تغويني بغواها
باجاهدها واعلي الرايه=لو بالمرسم والبرايه
افكاري وحروفي شرايه=للموت مقابل منهاها
لو تغريني ماني طايع=لو تشريني ماني بايع
لو في ليلي بمسي جايع=لذات الدنيا ما باها
دام بها شفت الغرايب=وانا توي ماني شايب
من حبك يادنيا تايب=عفت اولها كيف اتلاها
وحب النعمه ماني كاره=والبسطه والعيش الفاره
قبل يشره بي كم شاره=حذرى نفسك من مشهاها
انسو الدنيا وحكايتها=صدري ضاق من روايتها
قصتها هذي نهايتها=والرحله باغيّر مجراها
علومي باقي في راسي=يارب الطف من هوجاسي
يامرني واكتب بقياسي=واكتب ماعود اقراها
لاني واثق باللي عندي=من راسي واقدح من زندي
قايد فكر حروفي جندي=اعرف قبل ارمي مرماها
اصبحنا في خذني جيتك=ارفع صيتي وارفع صيتك
واحجز سيتي تلقى سيتك=سوق وحيّا الله مقضاها
والعالم كل في حيله=وان وقف يوم ياويله
بالله شيلوها شيله=اكل شواها من حاضاها
وكل قام يسل سيوفه=يبغى يخفي كامن خوفه
شغله محبوكه معروفه=صيحه للصيحه تلقاها
في الشعبي والديوانيه=ناصر ناوي له نيه
بعلنها ماهي مخفيه=واللي دورها يلقاها
ناوي ماكتب غير الجزله=وجنبني يارب الهزله
والا بعلن بعد وعزله=والنيه بيّن مغزاها
وفي حفظ الله ياقاريها=واللي بسم الله باديها
وصلت يالقاري تاليها=واكل اشواها من حاضاها

[/poet]


[ALIGN=CENTER]استرو ماواجهتو ياجمهووري

والى اللقاء في هذياان اخر .. الا جعل الهذياان مايعوود[/ALIGN]

من الذكـاء متابعة طاش ما طاش
........ وأكبر غباء إنـك تتابع خـواطـر !