فراج العتيبي

هذي مساجله بين الاخ العزيز والشاعر القدير / فايز البلوي ووالده


يقول الشايب ..


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الحال نشّت عقب ماعودها قاسي = ولاتعود الحال لو ناخذ ونعطيها
حسيت بالعجز وايضاً فقد الاحساسي = ولاقلت انا السالفه ياسرع ماغديها
ذكرت ربعٍ مشو من خير الاجناسي = اقفو عن الدار واللي ساكنٍ فيها
ولا كل شي انخلق يبقى على الساسي = تمضي علومه مايبقى غير طاريها
يالله ياللي خلقت الجن والناسي =تغفر ذنوب الخلايق يوم تحصيها
هاك القصيده يافايز فوق قرطاسي= نبغى تبين لنا وشهي معانيها[/poem]


الرد ...


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
رتب جزيل الكلام وشوش ياراسي = لاتاخذ الا الثمينه من مجانيها
جت لك قصيده غلاها ماله قياسي = ماغلا ولا اعز منها غير راعيها
يابوي قافٍ كتبته زاد هوجاسي =طير عن العين نومٍ كان هانيها
لاباس ياسيد الغالين لاباسي =جعلي فدى دون ضيقتك ودواعيها
الله يمدك لنا مثل الجبل راسي =تبقى على روسنا دايم وتذريها
ياقدوتي ياسنا دربي ونبراسي = ارفق على النفس لاتكثر طواريها
سج القدم لاتطق اخماس باسداسي =للخلق خلاق كافلها وكافيها
الناس لو عاشو الدنيا بالإياسي =الارض ماتو ولاشدو مبانيها
دنياك مايجهلك تصريفها القاسي =اجيال تقبل لها واجيال تفنيها
ويابوي مانيب متناسي ولا ناسي = النفس وقت الرخا ادله واعفيها
واذا بدى لي لزومي ما انثنى باسي=وان قاله الله مواجيبي ماخليها
لاكن على ماتورا فصل لباسي = والهقوه اللي تسرك حطني فيها
وان كان ماجبت نوماسك ونوماسي = تحرم عليّ الهنوف اللي مهاويها[/poem]


انتهى

سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ ...