النيره

*

على رسلك ترا بعض المشاعر دربها مسـدود
عواطفـك الحميمـه علّقيهـا بينـك وبيـنـي
...
لا تبدين الغلا كلّه .. وتسري به هبـوب النـود
هبوب النـود مـا تشفـق علـيّ ولا تدانينـي
..
أخاف أقول لك وشلون تغليني يا بنـت الجـود
وأبادلـك الغـلا .. لكـن نصيحـه لا تحبّينـي
..
سترك الله بستره .. والغلا ما عاد لـه مـردود
تعبت وشلت من حمـل المحبّـه مـا يكفينـي
..
انا أول من رمى قلبه على جال العيون السـود
وأنا آخر من شكى جرح الهوى بين المحبيّنـي
..
وأنا أصدق من عشق وأهل المحبّه ماعليهم زود
وأنا أكذب من جحد ظلم الغرام اللـي مشقينـي
..
تجرّعته وأنـا أقـول الليالـي حبلهـا ممـدود
يا كم ليله ضحك سنّي .. وكم ليله بكت عينـي
..
عناقيـده كثيـره والمصيبـه بآخـر العنقـود
بعـد جيتـه وهزيّتـه طعـن قلبـي بسكيّنـي
..
يسّموني مجاريح الغرام .. العاشـق المقـرود
ولا أدري لا تجوّلتي في صدري وش تسميّني ؟
..
عليـك الله وأمانـه دام باقـي للكـلام حـدود
على بعض الكلام اللـي يضـرّك لا تحدينـي !!

الله الله الله
لـ مبدعنآ // ســدآح