،
الله الله الله الله
صاحبي ناصر علومـه كلهـا مضبوطـه
مير تال الوقت مدري وش حصل فـدماغه
يحسب إنه ناصر البرغش ولـد بطوطـه
والهوا يلعب بـمشلح صاحبي وشماغـه
صاحبي سلطان ما يوفـي بكـل اشروطـه
ليـن تدبـغ نيتـه بغريـفـة الدبـاغـه
والشياطيـن اللعينـه كلـهـا مربـوطـه
وان بغى فالعيد أصوغ إله الحروف إصياغه
عبدربه قصير وقصرته ما لحقهـا
شك والشك ما يلحق وفي الخصايل
غير شرهته بالجيران ليته فهقهـا
دام جاري بعد جاره وعينه تخايل
راحت الاوله والثانيه في درقها ...:... وانت ياناصر البرغش علومك هوائل
تالية وقـتـنا الجيـره قليـلٍ وفقها ...:... ميـر ماتشـمـل الدعوى عيال الحمائل
بعد ماجيت ياسلطان في المرقاب هات علوم
علومك يالعتيبي طيبه وأنتع بعـد طيب
ولكن السؤال اللي يطيّر عنك حلو النوم
تبا تمشي وراء مستور وألا تتبع حبيب ؟!
بعد جيتك يا عبدالله تعلّم ما يجيك اللوم
أنا طيب ومتعافي وأروح بعيد وقريـب
ولكن الجواب اللي يرد القوم دون القوم
عطيت الديره اللي دونها شرواك متهيب
..
يا محمد بعد زل الخطر كيف أنت
عقب ما عيّدوا حافي و زرّاقـي
عيّدوا بك عتيبه والبلاء لاهنت
الخطر لا يزال وحضرتك باقـي
ويش حصّلت ياسلطان وش عيّنت
المخايل تضيّع هقوة الهاقي
لو تلين الجبال الراسيه مالنت
شوكة ٍ في نحر من ودّه افراقي
انا تعجّب يا زحول الشعر وآعرف السبب
يفطن لها العاقل لكن الخبل مايفطنلّها
ياللي تجمّع في قشاش النار وتكبّ الحطب
نارك تبا تصبح رماده كان شبّت كلها
،
|